«Истиқлол» даври аввали Ҷоми Конфедератсияи футболи Осиё-2020-ро бо ғалаба оғоз кард

ДУШАНБЕ, 12.03.2020. /АМИТ «Ховар»/. Шоми дирӯз  дар Варзишгоҳи марказии шаҳри  Душанбе дар  нахустин даври марҳилаи гурӯҳии Ҷоми Конфедератсияи футболи Осиё-2020    дар гурӯҳи «D»  ду  даста  аз Тоҷикистон — «Истиқлол» ва «Хуҷанд» бо ҳам   рақобат  карданд.   Бозии дастаҳо хеле ҷолиб  сурат гирифта, бо ҳисоби  2:0 ба суди дастаи футболи  «Истиқлол» хотима ёфт. Дар ин дидор ҳарду голи ғолибонро Манучеҳр Ҷалилов ба нишон расонид.  Дар ин бора мухбири АМИТ «Ховар» бо истинод ба Федератсияи футболи Тоҷикистон иттилоъ медиҳад.

Дастаи «Истиқлол» марҳилаи гурӯҳии Ҷоми КФО-2020-ро дар минтақаи марказӣ бо пирӯзӣ оғоз кард. Баъди ин пирӯзӣ  дастаи «Истиқлол» соҳиби се имтиёз шуда, дар гурӯҳи «D» пешсаф гардид. Акнун дар даври дуюм-  15 апрел  дастаи  «Истиқлол» дар сафар бо дастаи  «Алтин Асир»  бозӣ мекунад.

Ҷоми КФО-2020

Минтақаи марказӣ. Гурӯҳи «D». Даври 1-ум

«Истиқлол» (Тоҷикистон) – «Хуҷанд» (Тоҷикистон) – 2:0.

Голҳо: Манучеҳр Ҷалилов, 21 (1:0). Манучеҳр Ҷалилов, 29 – аз пеналти (2:0).