Маркази барномаҳои байналмилалӣ қабули ҳуҷҷатҳоро вобаста ба таҳсили шаҳрвандони Тоҷикистон дар донишгоҳҳои Россия эълон намуд

ДУШАНБЕ, 17.03.2020. /АМИТ “Ховар”/. Муассисаи давлатии «Маркази барномаҳои байналмилалӣ»-и Вазорати маориф ва илми Ҷумҳурии Тоҷикистон эълон намуд, ки қабули ҳуҷҷатҳо барои соли таҳсили 2020/2021 вобаста ба таҳсили шаҳрвандони Ҷумҳурии Тоҷикистон дар донишгоҳҳои Россия оғоз гардид. АМИТ “Ховар” матни пурраи эълони Маркази барномаҳои байналмилалиро манзури хонандагон мегардонад:

«Муассисаи давлатии «Маркази барномаҳои байналмилалӣ»-и Вазорати маориф ва илми Ҷумҳурии Тоҷикистон ба маълумоти довталабон ва хоҳишмандон мерасонад, ки қабули ҳуҷҷатҳо барои соли таҳсили 2020/2021 вобаста ба таҳсили шаҳрвандони Ҷумҳурии Тоҷикистон дар донишгоҳҳои:

Академияи давлатии ҳуқуқшиносии Саратов;

Донишгоҳи давлатии Оренбург;

Донишгоҳи давлатии техникии нафту гази Уфа;

Донишгоҳи давлатии Кемерево;

Донишгоҳи давлатии гуманитарӣ-технологии Орехово-Зуева;

Донишгоҳи давлатии роҳҳои алоқаи Шарқи Дур;

Донишгоҳи давлатии Олтой, Донишгоҳи давлатии технологии Олтой;

Донишгоҳи давлатии аграрии Мичуринск;

Донишгоҳи технологии Россия МИРЭА;

Донишгоҳи технологии алоқа ва информатика Москва ва дар доираи Стипендияи байналмилалии Президенти Ҷумҳурии Тоҷикистон “Дурахшандагон” оғоз гардидааст.

Барои номнавис шудан хоҳишмандон метавонанд ба Муассисаи давлатии «Маркази барномаҳои байналмилалӣ» ба суроғаи ш. Душанбе, кӯчаи М. Турсунзода 47 муроҷиат намоянд.

Телефонҳо барои тамос: 223-23-59; 221-18-83″.