Муовини Вазири корҳои дохилӣ Маҳмадсаид Саидзода ва Сафири Арабистони Саудӣ дар Тоҷикистон тақвияти ҳамкории дуҷонибаро баррасӣ карданд
ДУШАНБЕ, 13.03.2020 /АМИТ «Ховар»/. 12 март зимни мулоқоти муовини Вазири корҳои дохилии Ҷумҳурии Тоҷикистон, генерал-майори милитсия Маҳмадсаид Саидзода бо Сафири Шоҳигарии Арабистони Саудӣ дар Ҷумҳурии Тоҷикистон Муҳаммад Абдулазиз ал-Бодӣ масъалаҳои тақвият бахшидани ҳамкории мақомоти корҳои дохилии ҳарду давлат дар самти мубориза бар зидди ҷинояткории муташаккилона, терроризм, экстремизм ва дигар паҳлуҳои ҳамкории дуҷониба мавриди таваҷҷуҳи тарафайн қарор гирифтанд. Дар ин бора аз Вазорати корҳои дохилии Ҷумҳурии Тоҷикистон ба АМИТ «Ховар» хабар доданд.
Дар ҷараёни вохӯрӣ Маҳмадсаид Саидзода ба Сафири Шоҳигарии Арабистони Саудӣ дар Ҷумҳурии Тоҷикистон Муҳаммад Абдулазиз ал-Бодӣ барои ҳамкории мутақобилан судманд изҳори миннатдории самимӣ намуд.
Зикр гардид, ки ин ҳамкорӣ аз муносибатҳои дӯстонаи Сарони ҳарду давлат маншаъ гирифта, ҳамаи соҳаҳои иҷтимоию иқтисодиро дар бар мегирад. Муҳаммад Абдулазиз ал-Бодӣ зикр кард, ки давлати Арабистони Саудӣ кӯшиш дорад, то ҳамкориҳои худро бо Ҷумҳурии Тоҷикистон тавсеа бахшад. Зеро мардуми Тоҷикистон ва Арабистони Саудӣ бо ҳам дӯсту бародар буда, риштаи дӯстиву рафоқат миёни онҳо оянда боз ҳам мустаҳкамтар хоҳад гардид.
Раёсати Вазорати корҳои дохилӣ дар шаҳри Душанбе гурӯҳи муташаккили ҷиноятиро дастгир намуд
Дар Душанбе ҷаласаи мақомоти ҳифзи ҳуқуқ доир шуд
Президенти Тоҷикистон: «Ҳифзи сулҳи пойдор вазифаи муқаддаси ҳар фарди ҷомеа мебошад»
Дар Суғд ҷаласаи Шурои ҳамоҳангсози фаъолияти мақомоти ҳифзи ҳуқуқ доир шуд
Нақшаи даъвати баҳории шаҳрвандон ба сафи Артиши миллӣ 100 фоиз иҷро гардид
Ба сокинони шаҳри Роғун риояи талаботи қонунгузорӣ дар самти истифодаи самараноки неруи барқ фаҳмонида мешавад
Судяҳои Суди Олии Тоҷикистон дар форуми байналмилалӣ иштирок намуданд
Ҳайати Тоҷикистон дар ҷаласаи раисони судҳои олии давлатҳои аъзои Созмони ҳамкории Шанхай иштирок намуд
Оид ба татбиқи барномаҳои давлатии Тоҷикистон дар пешгирии экстремизм ва терроризм конфронси ҷумҳуриявӣ доир шуд
Дар Душанбе оид ба истифодаи технологияҳои ҳастаӣ ва бехатарии радиатсионӣ конференсияи байналмилалӣ доир шуд
Тоҷикистон ва Эрон нақша доранд ҳамкориро дар самти мубориза бо ҷинояткории муташаккили фаромиллӣ густариш диҳанд
Байни Тоҷикистон ва Қирғизистон оид ба рафъи ҳолатҳои фавқулода Ёддошти тафоҳум ба имзо расид
