«Сомон эйр» ташаббуси «25 ба 2025»-ро дастгирӣ мекунад
ДУШАНБЕ, 10.03.2020. /АМИТ «Ховар»/. Ширкати ҳавопаймоии «Сомон Эйр» ба иқдоми «25 ба 2025», ки аз ҷониби Ассосиатсияи байналмилалии нақлиёти ҳавоӣ (ИАТА) ташкил шудааст, ҳамроҳ гардид. Маъракаи «25 ба 2025» моҳи сентябри соли 2019 оғоз ёфт. Мақсади асосии гузаронидани иқдом – пешбурди гуногунии гендерӣ дар соҳаи авиатсия мебошад.
Амалӣ намудани иқдоми мазкур ба зиёд шудани шумораи занон дар вазифаҳои роҳбарикунанда ё дигар вазифаҳо ба ҳадди 25 фоиз нисбат ба нишондиҳандаҳои имрӯза ё то ҳадди ақали 25 фоизи намояндагии занон дар вазифаҳои роҳбарикунанда то соли 2025 мусоидат менамояд. Қадамҳои аввалин дар татбиқи барномаи мазкур моҳи майи соли 2020 дар форуми махсуси ИАТА, ки дар Париж гузаронида мешавад, баррасӣ мегарданд. Тибқи омори расмӣ, айни ҳол танҳо 8 фоизи ҳавонавардон дар ҷаҳон занон мебошанд, шумораи заноне, ки вазифаи директори генералиро дар соҳаи авиатсия ишғол менамоянд, 3 фоизро ташкил медиҳад.
Директори генералии ширкати ҳавопаймоии «Сомон Эйр» Томас В. Ҳаллам муҳимияти иштирок дар иқдоми «25 ба 2025»-ро тавзеҳ дода, мегӯяд, ки «баланд бардоштани нақш ва мақоми зан дар ҷомеа беҳтарин иқдом мебошад. Ташаббуси мазкур андешаҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро, ки ҳамеша ба иштироки занон дар ҳаёти ҷамъиятӣ ва сиёсии мамлакат аҳамияти хосса зоҳир менамоянд, инъикос мекунад. Муайянсозии мақом ва нақши зан дар ҷомеа яке аз масъалаҳои рӯзмарраи замони муосир аст. Занон дар фаъолияти худ дар бисёр мавридҳо ба монеаи ноаён, ба қавле «шифти шишагӣ» (glass ceiling) бармехӯранд, ки расидан ба қуллаи муваффақиятро мушкил мегардонад. Ва дарвоқеъ, монеаи асосӣ- ин муносибати атрофиён мебошад. Айни замон пешбарии занон бояд ҳамчун як воситаи рушди устувори ҷомеа қабул карда шавад».
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
Дар Душанбе оид ба таҳкими ҳамкории минтақавӣ дар самти коҳиши хавфи офатҳо вохӯрӣ доир шуд
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
Дар муассисаҳои кумаки аввалини тиббию санитарии Тоҷикистон шакли намунавӣ амалӣ мегардад
ИМРӮЗ — РӮЗИ БАЙНАЛМИЛАЛИИ ЗАНОНИ ДЕҲОТ. Фаъолияти Раҳима Салимова дар деҳа намунаи ибрат аст
Маркази тадқиқоти стратегии Тоҷикистон ва Гурӯҳи муассисаҳои MERI-и Ҳиндустон ҳамкориро тақвият мебахшанд
РӮЗИ ҶАҲОНИИ КОҲИШИ ХАТАРИ ОФАТҲОИ ТАБИӢ. Барои пешгирӣ аз пайомадҳои офатҳои табиӣ шаҳрвандон низ бояд масъулиятшинос бошанд.
