Дар фазои боронии ноҳияҳои Хуросон ва Ҳисор 9 мушаки зиддижолаи «Алазан-6» партоб карданд
ДУШАНБЕ, 21.04.2020. /АМИТ «Ховар»/. Кормандони Хадамоти зидди жолаи Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бо мақсади ҳифзи зироати кишоварзӣ, боғу токзор ва бартараф кардани хавфи жола дар фазои боронии ноҳияҳои Хуросон ва Ҳисор 9 мушаки зиддижолаи «Алазан-6» партоб карданд. Дар ин бора АМИТ «Ховар» бо истинод ба Кумитаи ҳолатҳои фавқулода ва мудофиаи гражданӣ хабар медиҳад.
Бино ба гузориши қисми навбатдории Кумита, 20 апрел Хадамоти зидди жола дар минтақаҳои хавфноки жолаовар корҳои безараргардонии зидди жола роҳандозӣ кардааст.
Дар яке аз минтақаҳои хавфнок ва жолаовари шаҳри Ҳисор 6 адад мушаки зидди жолаи навъи «Алазан 6» истифода ва безарар гардонида шуд.
«Худи ҳамин рӯз Хадамоти зидди жола дар яке аз минтақаҳои хавфноки ноҳияи Хуросон низ 3 адад мушаки зидди жолаи навъи «Алазан 6» партоб кард ва хавфи омадани жола бартараф карда шуд»,- афзуд манбаъ.
Ҳамасола бо мақсади ҳифзи зироати кишоварзӣ ва боғу токзори мамлакат дар минтақаҳо зидди жола садҳо мушак истифода мешавад. Бориши жола маъмулан барои зироати кишоварзӣ зарари калон меорад.
Истифода аз мушакҳои зиддижола имкон фароҳам меорад, ки хатари мазкур бартараф карда шавад.
Агентии «Тоҷикстандарт»: «Ҳангоми хариди моеи зиддисардӣ — антифриз аз фурӯшанда сертификати мутобиқат талаб намоед!»
Ҳаҷми истеҳсоли маҳсулоти кишоварзии ноҳияи Мастчоҳ соли 2025 ба беш аз 1,6 миллиард сомонӣ расид
Бахшида ба Рӯзи таъсиси мақомоти гумрук дар Душанбе маҷлиси тантанавӣ баргузор гардид
Ширкати «ACWA Power» дар доираи татбиқи тарҳи энергетикӣ дар Тоҷикистон неругоҳи офтобӣ месозад
22 ЯНВАР — РӮЗИ КОРМАНДОНИ МАҚОМОТИ ГУМРУК. Таъмини амнияти иқтисодии Тоҷикистон рисолати асосии ин мақомот аст
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
