Дар Хуҷанд барои гузаронидани Озмуни «Фурӯғи субҳи доноӣ китоб аст» 50 ҳазор сомонӣ ҷудо гардид
ДУШАНБЕ, 22.04.2020 /АМИТ «Ховар»/. Барои дар сатҳи баланд гузаронидани Озмуни ҷумҳуриявии «Фурӯғи субҳи доноӣ китоб аст» дар асоси қарори раиси шаҳри Хуҷанд қариб 50 ҳазор сомонӣ ҷудо гардидааст. Инчунин ҳайати комиссия ва ҷоизаҳои озмуни мазкур тасдиқ шуданд. Дар ин бора хабарнигори АМИТ «Ховар» бо истинод ба хадамоти матбуоти раиси вилояти Суғд иттилоъ медиҳад.
Имрӯзҳо дар саросари мамлакат даври аввали озмуни мазкур ҷараён дорад. Натиҷаи даври аввали озмун баъд аз баргузорӣ ба расмият дароварда шуда, бо имзои раису аъзои он тасдиқ ва нусхаю варақаи баҳогузорӣ, нусхаи сабти видеоӣ дар парвандаи ғолиби озмун нигоҳдорӣ ва барои даври минбаъдаи озмун пешниҳод мешавад. Ҳар як иштирокчие, ки натиҷаи баландро соҳиб мегардад, аз ҷониби ҳайати ҳакамон барои иштирок ба даври дуюм пешниҳод мегардад.
Аз ҷараёни баргузории даври аввали озмун ҳайати ҳакамон ба хулосае омадаанд, ки теъдоди иштирокчиён нисбат ба соли гузашта афзудааст. Яъне озмуни мазкур аз ҷониби мардум ҳамовозии амиқ пайдо намуда, китобхонӣ миёни тамоми қишрҳои ҷомеа ба омӯзиши сартосарӣ табдил ёфтааст.
Соли дуюм аст, ки дар мамлакат ба муносибати сазовор пешвоз гирифтани ҷашни 30-солагии Истиқлолияти давлатӣ таҳти сарпарастии бевоситаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Озмуни ҷумҳуриявии «Фурӯғи субҳи доноӣ китоб аст» баргузор мегардад.
Озмуни мазкур бо мақсади баланд бардоштани завқи китобхонӣ, тақвияти неруи зеҳнӣ, дарёфти чеҳраҳои нави суханвару сухандон, арҷ гузоштан ба арзишҳои миллию фарҳангӣ, инкишофи қобилияти эҷодӣ, таҳкими эҳсоси худогоҳию худшиносӣ, такмили захираи луғавӣ, тақвияти ҷаҳони маънавӣ миёни аҳолии мамлакат, аз ҷумла тарбиягирандагон ва хонандагони муассисаҳои таҳсилоти томактабӣ ва миёнаи умумӣ, донишҷӯёни муассисаҳои таҳсилоти ибтидоӣ, миёна ва олии касбӣ, баъд аз муассисаҳои таҳсилоти касбӣ (магистрҳо, аспирантҳо, докторантҳо), калонсолон ва намояндагони касбу кори гуногун, омӯзгорони ҳамаи зинаҳои таҳсилот, кормандони фарҳангу санъат ва дигар табақаҳои аҳолӣ гузаронида мешавад.
Акс аз бойгонии АМИТ «Ховар»
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
Бинои нави маъмурии Муассисаи давлатии «Мамнуъгоҳи таърихию фарҳангии Ҳисор» ба истифода дода шуд
Дар Душанбе бахшида ба Рӯзи фалак ҳамоиш доир гардид
Имрӯз дар Тоҷикистон Рӯзи фалак таҷлил мегардад
Тоҷикистон дар Бозиҳои 20-уми Делфии ҷавонони кишварҳои аъзои ИДМ соҳиби ҷойи аввал гардид
Тоҷикистон ва Британияи Кабир ҳамкориро дар самти омӯзиши забони англисӣ густариш медиҳанд
Тоҷикистон ва Британияи Кабир ҳамкориро дар самти омӯзиш ва ҳифзи ёдгориҳои таърихию фарҳангӣ тақвият медиҳанд
