Дар ноҳияҳои Рашту Файзобод ва Шамсиддини Шоҳин лоиҳаи «Хизматрасониҳои маҷмӯӣ барои модар ва кӯдак» амалӣ мешавад

Апрель 14, 2020 16:25

РАШТ, 14.04.2020 /АМИТ «Ховар»/. Бо мақсади муаррифии Лоиҳаи «Хизматрасониҳои маҷмӯӣ барои модар ва кӯдак» бо иштироки муовини якуми Вазири тандурустӣ ва ҳифзи иҷтимоии аҳолии Ҷумҳурии Тоҷикистон Саида Умарзода ва  менеҷери гурӯҳи татбиқи лоиҳа Исфандиёр Маҳмудзода бо масъулини мақомоти маҳаллӣ ва ва сохторҳои тандурустии  ноҳияҳои Рашту Файзобод ва ноҳияи Шамсиддини Шоҳини вилояти Хатлон, ки ноҳияҳои таҷрибавии лоиҳа ба ҳисоб мераванд, вохӯриҳо доир гардиданд.

Амалисозии лоиҳаи мазкур якчанд ҳадафҳои мақсаднокро дар назар дошта,  самтҳои афзалиятноки имрӯзаи соҳаи тандурустиро фаро мегирад ва барои тақвияти сиёсати соҳа дар раванди хизматрасонии тиббӣ ба модарону кӯдакон мусоидат менамояд. Яке аз ҳадафҳои аввалиндараҷа-ин сохтмон ва таъмири беморхонаҳои марказӣ ва марказҳои саломатии ноҳияҳои таҷрибавӣ буда, онҳоро пурра бо таҷҳизоти муосир ва мебели тиббӣ таъмин менамояд. Ин амал беҳтаркунии инфрасохтори тандурустии ноҳияҳои Рашту Файзобод ва  Шамсиддини Шоҳинро таҳким мебахшад.

Зимни вохӯриҳо масъулин зикр намуданд, ки амалинамоии чорабиниҳои лоиҳа таҳкими иқтидори захираҳои инсонӣ тавассути таҳияи стратегияи банақшагирӣ ва тақсимоти кадрҳоро барои ноҳияҳои таҷрибавии лоиҳа, аз ҷумла тавассути ба кормандони КАТС ва беморхонаҳо омӯзонидани масоили ҳифзи саломатии модар ва кӯдак дар марказҳо ва муассисаҳои таълимӣ дар ин ноҳияҳои таҷрибавӣ дар назар дорад.

Татбиқи лоиҳаи мазкур аз 29 марти соли 2019 оғоз гардида, то 31 августи соли 2025 ба нақша гирифта шудааст. Маблағи умумии лоиҳа 35,2 миллион доллари амрикоиро ташкил медиҳад, ки аз ин маблағ 3,2 миллион доллари амрикоӣ саҳми Ҳукумати Ҷумҳурии Тоҷикистон мебошад.

Лоиҳа аз чаҳор қисмати амалисозӣ иборат аст. Аз ҷумла, беҳтар намудани хизматрасонии маҷмӯии босифат оид ба ҳифзи саломатии модар ва кӯдак дар ноҳияҳои таҷрибавӣ, такмил додани хизматрасониҳо дар бахши саломатии модару кӯдак ва беҳтаркунии инфрасохторҳо, баланд бардоштани сатҳи дониш дар соҳаи саломатии модару кӯдак ва рафтори ба нигоҳдории саломатӣ нигаронидашуда дар ноҳияҳои таҷрибавии лоиҳа, идоракунии лоиҳа ва баҳодиҳӣ.

Апрель 14, 2020 16:25

Хабарҳои дигари ин бахш

Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд
Барои пешгирии бемориҳои зоонозӣ ҷаласа доир карда шуд