Маҷмӯаи нави байналмилалӣ дар бораи таърихи Ҷанги Бузурги Ватанӣ дар низоми онлайн муаррифӣ шуд
ДУШАНБЕ, 24.04.2020. /АМИТ «Ховар»/. «Саҳми минтақаҳои Урал ва кишварҳои Осиёи Марказӣ дар Ғалаба дар Ҷанги Бузурги Ватании солҳои 1941-1945″- таҳти ин ном имрӯз дар низоми онлайн бо ибтикори Донишгоҳи давлатии Урали Ҷанубӣ конфронс-рӯнамоии маҷмӯаи байналмилалии мақолаҳои илмӣ баргузор гардид. Дар ин бора ба АМИТ «Ховар» аз Консулгариии генералии Ҷумҳурии Тоҷикистон дар шаҳри Екатеринбург хабар доданд.
Дар ин чорабинии байналмилалӣ, ки ба 75-умин солгарди Ғалаба дар Ҷанги Бузурги Ватании солҳои 1941-1945 бахшида шудааст, аз ҷониби Тоҷикистон Консули генералии ҷумҳурӣ дар шаҳри Екатеринбург, доктори илмҳои таърих Зафар Сайидзода ва мудири шуъбаи Институти таърих, бостоншиносӣ ва этнографияи ба номи Аҳмади Дониши Академияи миллии илмҳои Тоҷикистон, номзади илмҳои таърих Абдулло Ғафуров иштирок ва суханронӣ намуданд.
Зикр гардид, ки дар иншои мақолаҳои илмии ин маҷмӯаи нав 11 олими таърихшиноси Тоҷикистон бомуваффақият иштирок намуданд.
Дар суханронии хотимавии худ ректори Донишгоҳи давлатии Урали Ҷанубӣ, профессор Александр Шестаков пешниҳод намуд, ки ҳамкории олимони таърихнигори Россия ва кишварҳои Осиёи Марказӣ ба хотири омода ва нашр намудани ҷилди дуюми маҷмӯаи муаррифишуда идома дода шавад.
Ин пешниҳод аз ҷониби аҳли видеоконфронси байналмилалӣ ба хушӣ истиқбол гирифта шуд.
Таҳти унвони «Президент — шаҳсутуни истиқлол ва давлатдории миллӣ» конференсияи ҷумҳуриявӣ доир шуд
Ҷилди сеюми китоби «Абармарди таърихсоз»-и академик Фарҳод Раҳимӣ ба нашр расид
Ҳамкории Тоҷикистон ва Қазоқистон дар соҳаи ҳифзи мероси фарҳангӣ ва хаттӣ густариш меёбад
Дар ёдгории таърихии Қалъаи «Золи Зар»-и ноҳияи Данғара корҳои сохтмонӣ оғоз гардиданд
Намоиши «Достони Сиёвуш» дар Москва ба саҳна гузошта шуд
Намоишномаи мазҳакавии таҳти унвони «Хоҳ биёӣ, хоҳ наё» дар Москва ба саҳна гузошта шуд
Ҳайти эҷодии Тоҷикистон дар Фестивали V байналмилалии театрӣ дар Ашқобод ҳунари миллии театриро муаррифӣ намуд
Бузургтарин ситораҳои санъати Тоҷикистон дар Театри ба номи Лоҳутӣ тарбия ёфтаанд
РӮЗИ ТЕАТРИ ТОҶИК. Дар Тоҷикистон беш аз 20 театри халқӣ фаъолият мекунад
Дар Душанбе бахшида ба Рӯзи театр ҳамоиш доир гардид
Дар Душанбе намоиши асарҳои рассомони Тоҷикистону Чин доир гардид
