Олимони тоҷик наздикшавии астероиди эҳтимолан хатарнокро ба Замин мушоҳида намуданд
ДУШАНБЕ, 29.04.2020 /АМИТ «Ховар»/. Чуноне ки олимони Институти астрофизикаи Академияи миллии илмҳои Тоҷикистон пеш аз ин хабар дода буданд, як астероид ба Замин хатари эҳтимолӣ дошта, охири моҳи апрели соли 2020 ба Замин бояд наздик меомад ва 29 апрели соли равон, соати 15.00 бо вақти маҳаллӣ дар масофаи 6 миллион км аз Замин фазоро убур мекард.
Олимони институти астрофизика бо ёрии телескопҳо дар расадхонаҳои астрономии Санглох ва Ҳисор аз 20 апрел то имрӯз ҳаракати астероиди мазкурро пайваста мушоҳида мекунанд. Дар ин бора ба хабарнигори АМИТ «Ховар» Мавҷуда АНВАРӢ директори Институти астрофизикаи АМИТ Гулчеҳра ҚОҲИРОВА хабар дод.
«Доир ба ин астероид маълумоти зиёди нави назаррас ба даст оварда шуд, ки онҳо айни ҳол дар раванди коркарди илмӣ қарор доранд, — гуфт Гулчеҳра Қоҳирова. — Мушоҳидаҳои мазкур дар ҳамкорӣ бо якчанд расадхонаҳои муассисаҳои астрономии академияҳои илмҳои Россия ва кишварҳои дигари ҷаҳон, аз ҷумла расадхонаҳои Аресибо ва Голдстоуни ИМА гузаронида шуданд».
Тавре сарвари Институти астрофизикаи Тоҷикистон шарҳ дод, аллакай исбот шудааст, ки андозаи астероид ба 2 км баробар буда, шакли геометрии ӯ тақрибан ба давра монанд аст. «Ҳангоми назорат мо мунтазам мадори астероидро ҳисоб кардем ва ба хулоса омадем, ки ин ҷирми кайҳонӣ бо роҳи устувори худ ҳаракат карда, ба Замин ягон хатар намерасонад», — изҳор намуд ӯ.
Расми астероид аз расадхонаи Санглох оварда мешавад.
ДАР АКС: астероиди эҳтимолан хатарнок 52768, ки 22 апрели соли 2020 дар расадхонаи Санглох гирифта шудаст.
Дар ҷараёни мушоҳидаҳо боз як ҷирми ҷолиби кайҳонӣ – кометаи Атлас таҳти назорати олимони мо буд.
«Дар давраи мушоҳида порашавии ҳастаи комета ба қайд гирифта шуд, ки натиҷааш ба пайдошавии думи чангини дароз оварда расонд, — иброз дошт Гулчеҳра Қоҳирова. — Ин ҳодиса барои олимон хеле нодиру ҷолиб мебошад ва тадқиқоти он имконият медиҳад, ки пайдоиши ва тарқиби кометаро ошкор намоянд. Маводи гирифташуда таваҷҷуҳи зиёди ҳамкасбони моро дар кишвапрҳои гуногуни олам ҷалб намуд ва онҳо дар ин самт хоҳиши ҳамкорӣ бо моро доранд».
ДАР АКС: кометаи Атлас, ки 23 апрели соли 2020 дар расадхонаи Санглох гирифта шудааст.
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
Дар Донишкадаи давлатии фарҳанг ва санъати Тоҷикистон Маркази машваратӣ-равоншиносӣ таъсис дода шуд
НИШАСТИ МАТБУОТӢ. Дар Консерваторияи миллии Тоҷикистон даврҳои кӯтоҳмуддати омӯзишӣ таъсис дода шудаанд
Лоиҳаи «Барномаи давлатии рушди адабиёти бачагона дар Ҷумҳурии Тоҷикистон барои солҳои 2026-2030» таҳия мегардад
