Санаи нави баргузории Бозиҳои олимпии Токио маълум гардид
ДУШАНБЕ, 01.04.2020. /АМИТ «Ховар»/. Аз 23 июл то 8 августи соли 2021 санаи нави баргузории Бозиҳои 32-юми олимпӣ дар Токио эълон гардид. Ин тасмим пас аз конфронси видеоии президенти Кумитаи байналмилалии олимпӣ Томас Бах бо Президенти Кумитаи байналмилалии параолимпӣ, раиси Кумитаи тадорукоти «Токио-2020» ва Ҳукумати Япония гирифта шуд. Дар ин бора намояндаи расмии Кумитаи миллии олимпии Тоҷикистон Умаралӣ Сафаралӣ ба мухбири АМИТ «Ховар» хабар дод.
Як ҳафтаи қабл бо қарори Кумитаи байналмилалии олимпӣ ва Ҳукумати Япония Бозиҳои олимпии Токио бо сабаби авҷ гирифтани сирояти вируси корона ба вақти дигар, аммо на дертар аз тобистони соли 2021 ба таъхир афтоданд. Бозиҳои параолимпӣ аз 24 август то 5 сентябри соли 2021 ба нақша гирифта шуданд.
Таҷрибаи ба вақти дигар гузаронидани Бозиҳои олимпӣ дар таърих бори аввал аст ва ин тасмимро федератсияҳои байналмилалӣ ва кумитаҳои миллии олимпӣ дастгирӣ карданд. Аз рӯи нақшаи аввалин, бозиҳо бояд имсол аз 24 июл то 9 август баргузор мешуданд. Акнун дар тақвими варзиши ҷаҳон тағйирот ба амал хоҳад омад. Аз ҷумла, Чемпионати ҷаҳон оид ба варзиши сабук-2021 ба соли 2022 гузаронида хоҳад шуд.
Ҳамин тариқ, варзиши сабуки ҷаҳониро зарур меояд соли 2023 низ чемпионати ҷаҳон гузаронад ва соли 2024 боз дар Бозиҳои олимпӣ ширкат кунад.
Чемпионати ҷаҳон оид ба шиноварӣ-2021 низ, ки моҳи августи соли оянда ба нақша гирифта шуда буд, ба вақти дигар гузаронида мешавад.
Варзишгоҳи нави марказии ноҳияи Восеъ дорои 21 ҳазор ҷойи нишаст мебошад
Рақибони дастаи мунтахаби Тоҷикистон оид ба футзал дар Бозиҳои ҳамбастагии исломӣ-2025 муайян гардиданд
Имрӯз «Регар-ТадАЗ» аввалин бозиро дар марҳилаи гурӯҳии Лигаи даъвати КФО-2025/26 баргузор мекунад
Дастаи мунтахаби наврасони Тоҷикистон (U-17) оид ба футбол дар бозии санҷишӣ бо Каледонияи Нав ҳисобро мусовӣ кард
«Регар-ТадАЗ» барои иштирок дар марҳилаи гурӯҳии Лигаи даъвати КФО-2025/26 ба Бишкек сафар кард
Дар шаҳри Хуҷанд Чемпионати Тоҷикистон оид ба бокс ҷамъбаст гардид
Довталабони иҷозатномаи «PRO» оид ба футбол таҷрибаомӯзиро дар дастаи миллии Тоҷикистон анҷом доданд
Дастаи мунтахаби наврасони Тоҷикистон (U-17) дар Амороти Муттаҳидаи Араб бозиҳои дӯстона анҷом медиҳад
«МегаФон Тоҷикистон» шарики кулли Ҷоми Тоҷикистон оид ба футзал гардид
Замони баргузории бозиҳои даври 19-уми Чемпионати Тоҷикистон байни дастаҳои Лигаи олӣ муайян шуд
ҶОМИ ОСИЁ-2027. Дастаи мунтахаби Тоҷикистон тими Малдивро мағлуб намуд
ҶОМИ ОСИЁ-2027. Имрӯз дастаи мунтахаби Тоҷикистон дар марҳилаи интихобӣ бо тими Малдив бозӣ мекунад
