Сарвазири мамлакат Қоҳир Расулзода бо ҷараёни татбиқи Лоиҳаи таҷдид ва навсозии роҳи Душанбе-Бохтар шинос шуд
ДУШАНБЕ, 21.04.2020. /АМИТ «Ховар»/. 21 апрел Сарвазири Ҷумҳурии Тоҷикистон Қоҳир Расулзода бо ҷараёни татбиқи Лоиҳаи таҷдид ва навсозии роҳи Душанбе-Бохтар шинос шуд. Татбиқи лоиҳаи мазкур моҳи октябри соли 2018 оғоз гардида, анҷоми он тирамоҳи соли 2021 пешбинӣ шудааст.
Тавре АМИТ «Ховар» бо истинод ба шуъбаи иттилоотию таҳлилии дастгоҳи раиси вилояти Хатлон хабар медиҳад, дар сафар Сарвазири мамлакатро раиси вилояти Хатлон Қурбон Ҳакимзода ва роҳбарони як зумра вазорату идораҳо ҳамроҳӣ намуданд.
Зикр шуд, ки маблағи умумии марҳилаи якуми лоиҳа ба ҳолати 20 апрел 107,5 миллион доллари америкоиро ташкил дода, аз ин ҳисоб 90 миллион доллари америкоӣ гранти Бонки Осиёгии Рушд ва 17,5 миллион доллари америкоӣ ҳиссаи Ҳукумати Ҷумҳурии Тоҷикистон мебошад.
Ба иттилои манбаъ, бо дастури Сарвазири мамлакат дар доираи лоиҳаи «Таҷдид ва азнавсозии роҳи автомобилгарди Душанбе-Бохтар» марҳилаҳои 1 ва 2 аз ҷониби мақомоти иҷроияи ҳокимияти давлатии вилояти Хатлон дар шафати роҳ 2220 бех ниҳолҳои сояафкан, ҳамешасабз ва ороишӣ шинонида шудаанд.
Инчунин дар ин рӯз Сарвазири мамлакат аз кишти зироати кишоварзӣ дар хоҷагии деҳқонии «Фахри Истиқлол»-и ноҳияи Хуросон дидан намуд.
Хоҷагии мазкур дорои 14 гектар замин буда, кишоварзон ба кишти зироати кишоварзӣ, аз ҷумла пахта, картошка, пиёзи барвақтӣ, сабзавот, аз қабили помидор, бодиринг, қаламфур ва хӯроки чорво машғул мебошанд.
«Кишти пахта дар майдони 10 га ба роҳ монда шуда, айни ҳол коркарди агротехникӣ ва нармкунии байни қаторҳо ҷараён дорад»,- афзуд манбаъ.
Қоҳир Расулзода дар ноҳияи Хуросон инчунин бо таҷрибаи парвариши сабзавоти барвақтӣ дар заминҳои наздиҳавлигии Абдуалим Қурбонов, ки дар он картошка ва сирпиёз кишт гардидааст, шинос гардида, мавсуфро барои деҳқонону сокинони мамлакат намунаи ибрат арзёбӣ намуд.
«Сарвазири мамлакат дар мулоқоти сарироҳӣ бо сокинони ноҳия онҳоро ба истифодаи оқилонаву самараовари замин, бардоштани ду-се ҳосил ва сарфаю сариштакорӣ даъват намуд», — афзуд манбаъ.
ДАР АКС: Боздиди Сарвазири мамлакат аз кишти зироати кишоварзӣ дар ноҳияи Хуросон.
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
Ҳаҷми истеҳсоли маҳсулоти саноатӣ дар Минтақаи озоди иқтисодии «Панҷ» ба 17 миллион сомонӣ баробар гардид
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
