Шодихон Ҷамшед: вазъи номусоиди ҳаво сабаби гирифтории зиёд ба бемориҳои шадиди роҳҳои нафас гардид
ДУШАНБЕ, 18.04.2020 /АМИТ «Ховар»/. Муовини Вазири тандурустӣ ва ҳифзи иҷтимоии аҳолӣ Шодихон Ҷамшед вобаста ба хабару овозаҳои бардурӯғе, ки рӯзҳои охир дар сомонаҳои иҷтимоӣ ба нашр мерасанд, зикр намуд, ки вазъи номусоиди ҳаво дар чанд рӯзи охир на танҳо ба соҳаҳои гуногуни хоҷагии халқ, балки ба саломатии шаҳрвандони мамлакат низ таъсири манфӣ расонид. Аз ин рӯ, дар ин рӯзҳо гирифторшавии якбора ба бемориҳои шадиди роҳҳои нафас, аз ҷумла илтиҳоби шуш (пневмания) зиёд ба мушоҳида расид. Тавре аз таҳлилҳо бармеояд, бемории илтиҳоби шуш (пневмания) ҳолати муқаррарӣ ва мавсимӣ мебошад. Бинобар ин, аз гирифторшавии шаҳрвандон ба бемории мазкур набояд ҳангома сохт. То имрӯз дар ҷумҳурӣ миёни шаҳрвандони ба карантин фаро гирифташуда сирояти коронавирус ба қайд гирифта нашудааст.
Ин гуфтаи Шодихон Ҷамшед дар ҷаласаи навбатии ситод оид ба пешгирии сирояти коронавирус, ки 17 апрел дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон баргузор гардид, садо дод. Дар ҷаласаи мазкур ҳамчунин муовини Вазири тандурустӣ ва ҳифзи иҷтимоии аҳолӣ Мирҳамуддин Камолзода, роҳбарони як зумра раёсатҳо ва директорони муассисаҳои тандурустии пойтахт иштирок намуданд.
Тибқи иттилои Муассисаи давлатии «Маркази ҷумҳуриявии омор ва иттилооти тиббӣ»- и Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, шумора ва нишондиҳандаи беморшавӣ ба баъзе бемориҳои сироятӣ дар Ҷумҳурии Тоҷикистон дар соли 2019 (нишондод ба 100 ҳазор нафар аҳолӣ) чунин мебошад:
бемории зуком (грипп) 9982 нафар, илтиҳоби шуш (пневмания) 12802 нафар, ОРВИ 350 702 нафар, диққи нафас 1293 нафар ва домана 8 нафар.
Яъне, омори мазкур гувоҳи он аст, ки гирифторшавии шаҳрвандони мамлакат ба бемориҳои сироятӣ, аз ҷумла бемории илтиҳоби шуш (пневмания) ҳолати муқаррарӣ ва мавсимӣ мебошад. Аз ин рӯ лозим аст, ки моҳияти аслии ин беморӣ аз ҷониби табибони оилавӣ ба шаҳрвандони мамлакат расонида шавад, то дар ин лаҳзаҳои ҳассос сокинон ба таҳлука наафтанд.
Дар Тоҷикистон дар ҷашни 20-солагии Истиқлолияти давлатӣ дарозтарин парчам омода гардид
«БОНУИ ҲУНАР». Дар Душанбе 30 нафар занону духтарон ба касбомӯзӣ ҷалб гардиданд
Кормандони Хадамоти назорати давлатии тандурустӣ ва ҳифзи иҷтимоии аҳолӣ Рӯзи Парчами давлатиро бошукуҳ таҷлил намуданд
«НАҚШИ ҲИЗБИ ХАЛҚИИ ДЕМОКРАТИИ ТОҶИКИСТОН ДАР ТАШАККУЛИ ДАВЛАТДОРИИ МИЛЛӢ». Таҳти ин унвон конференсияи байналмилалӣ доир шуд
Кумитаи ҳолатҳои фавқулода ва мудофиаи гражданӣ аз омадани сел дар баъзе минтақаҳои Тоҷикистон ҳушдор медиҳад
Дар шаҳри Омск Форуми 4-уми сарварони ҷавони Русия ва давлатҳои Осиёи Марказӣ оғоз ёфт
Ҷумҳурии Тоҷикистон 67-умин давлат дар самти манъи ҷазои ҷисмонӣ нисбат ба кӯдак гардид
35-СОЛАГИИ ИСТИҚЛОЛИЯТИ ДАВЛАТӢ. Дар шаҳри Хоруғ Маркази стоматологӣ кушода шуд
Агентии обуҳавошиносии Тоҷикистон бо Агентии байналмилалии энергияи атомӣ Ёддошти тафоҳум ба имзо расонид
Дар вилояти Хатлон ҷаласаи корӣ оид ба вазъи зимистонгузаронӣ доир шуд
Дар шаҳри Истаравшан Маркази саломатӣ ба истифода дода шуд
