Вазорати корҳои дохилӣ дар заминҳои хоҷагии ёрирасон дар ноҳияи Зафаробод пунбадона мекорад
ДУШАНБЕ, 22.04.2020 /АМИТ «Ховар»/. Бо мусоид омадани боду ҳаво тибқи дастури роҳбарияти Раёсати Вазорати корҳои дохилӣ дар вилояти Суғд дар заминҳои хоҷагии ёрирасони мақомоти корҳои дохилӣ, воқеъ дар ноҳияи Зафаробод кишти чигит оғоз шуд. Дар ин бора аз Вазорати корҳои дохилии Ҷумҳурии Тоҷикистон ба АМИТ «Ховар» хабар доданд.
Маросими кишт бо иштироки сардори Раёсати ВКД дар вилояти Суғд Абдулло Навҷувонов, кишоварзони ботаҷрибаи пахтакор ва масъулини хоҷагидории Раёсат баргузор шуд. Дар масоҳати 80 га ду навъи пунбадонаи ба иқлими минтақа мувофиқ- навъи туркии «Глор» ва навъи маҳаллии «Хуҷанд-67» кишт карда мешавад, ки аз ҷониби пахтакорони ботаҷриба тавсия дода шудаанд. Дар заминҳои боқимонда зироати ғалладонагӣ ва маҳсулоти кишоварзӣ парвариш карда мешаванд.
Зимни боздид аз заминҳои хоҷагии ёрирасон сардори Раёсат Абдулло Навҷувонов ба масъулин дастур дод, ки барои ба даст овардани ҳосили дилхоҳ дар раванди амалисозии кишту кор аз маслиҳати деҳқонон ва мутахассисони ботаҷриба истифода намуда, корҳои агротехникиро дар муҳлатҳои муайяншуда ва босифат анҷом диҳанд.
Ёдрас мешавем, ки заминҳои хоҷагии мазкур дар масоҳати 91 га доман паҳн карда, имсол кишти чигит дар масоҳати 80 га пешбинӣ шудааст.
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
Самтҳои асосии Паёми Президенти Тоҷикистон ба Маҷлиси Олӣ дар Хадамоти гумрук тавзеҳ дода шуданд
Вазирони энергетикаи Тоҷикистон ва Покистон дурнамои рушди ҳамкориро дар соҳаи энергетика баррасӣ намуданд
Сардори Хадамоти алоқа дар Конгресси ҷаҳонии мобилӣ дар Испания иштирок намуд
Ҷаласаи ёздаҳуми Шурои миллии суботи молиявӣ дар Ҷумҳурии Тоҷикистон баргузор гардид
Дурнамои нишондиҳандаҳои рушди иҷтимоию иқтисодии шаҳру ноҳияҳои Роғун, Ваҳдат, Файзобод ва Варзоб муаррифӣ карда шуд
Тоҷикистон ва Туркманистон ҳамкориро дар соҳаи саноати нассоҷӣ тақвият медиҳанд
Дар Вазорати молияи Тоҷикистон татбиқи лоиҳаҳои нақлиёту энергетика баррасӣ гардид
Дар Палатаи ҳисоб оид ба пешгирӣ ва муқовимат ба коррупсия машварат баргузор шуд
Дар Душанбе Протоколи ҷаласаи 14-уми Комиссияи муштараки байниҳукуматии Тоҷикистон ва Туркманистон ба имзо расид
