Вакилон аҳамияти Дастури Маҷлиси намояндагони Маҷлиси Олиро баррасӣ намуданд
ДУШАНБЕ, 28.05.2020 /АМИТ «Ховар»/. 27 май таҳти раёсати муовини якуми Раиси Маҷлиси намояндагони Маҷлиси Олии Ҷумҳурии Тоҷикистон Маҳмадалӣ Ватанзода ва бо иштироки вакилони Маҷлиси намояндагон дар мавзўи «Моҳият ва аҳамияти Дастури Маҷлиси намояндагони Маҷлиси Олии Ҷумҳурии Тоҷикистон» хониши парлумонӣ баргузор гардид.
Дар ин бора ба АМИТ «Ховар» аз Маҷлиси намояндагони Маҷлиси Олии мамлакат хабар доданд.
Аз рӯи масъалаи мазкур Раиси комиссия оид ба назорати Дастур ва ташкили кори Маҷлиси намояндагони Маҷлиси Олии Ҷумҳурии Тоҷикистон Ҷамшед Муртазозода иброз намуд, ки Дастури Маҷлиси намояндагони Маҷлиси Олӣ аз 7 фасл, 32 боб ва 534 банд иборат буда, дар ҳар банди он як бахши масъулияту фаъолият ва усулу раванди кори вакилон инъикос ёфтааст.
Дар Хониши парлумонӣ махсусан таъкид карда шуд, ки тибқи Дастури Маҷлиси намояндагони Маҷлиси Олии Ҷумҳурии Тоҷикистон самтҳои фаъолияти вакилони Маҷлиси намояндагони Маҷлиси Олии Ҷумҳурии Тоҷикистон қонунгузорӣ, намояндагӣ, робитаҳои байналмилалӣ ва байнипарламентиро дар бар мегиранд.
Ҷамшед Муртазозода ҳуқуқи ташаббуси қонунгузории вакилон, фаъолиятҳои вакилон дар самти намояндагӣ ва нақши вакилон дар рушди муносибатҳои байналмилалӣ ва байнипарламентиро тибқи қонунгузории соҳавӣ ва Дастури Маҷлиси намояндагони Маҷлиси Олии Ҷумҳурии Тоҷикистон шарҳу тафсир дод.
Зимни хониши парлумонӣ ҳамчунин иброз гардид, ки ба шарофати сулҳу субот ва ваҳдати миллӣ вакилони Маҷлиси намояндагон заминаҳои ҳуқуқии Истиқлолияти давлатии хешро таҳкими бештар бахшида, барои кору зиндагии мардум шароити беҳтар фароҳам намудаанд.








Файзалӣ Идизода дар Шуро ва ҷаласаи 61-уми пленарии Ассамблеяи байнипарлумонии давлатҳои ИДМ иштирок намуд
Дар Брюссел ҷаласаи XIII Кумитаи ҳамкории парламентии Ҷумҳурии Тоҷикистон ва Иттиҳоди Аврупо доир шуд
Файзалӣ Идизода дар мулоқоти Гурбонгулӣ Бердимуҳамедов бо роҳбарони ҳайатҳои парлумонии кишварҳои ИДМ иштирок намуд
Дар Тоҷикистон ҳаҷми Маҷмуи маҳсулоти дохилӣ 18,4 миллиард сомонӣ зиёд гардид
Ҳайати парлумонии Тоҷикистон дар ҷаласаи 61-уми пленарии Ассамблеяи байнипарламентии ИДМ иштирок менамояд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Эҳтиром ба Рӯзи Президент эҳтиром ба давлат, миллат, Истиқлолияти давлатӣ ва сулҳу ваҳдат аст
Китоби «Президент ва ниҳоди президентӣ дар Ҷумҳурии Тоҷикистон» рӯнамоӣ гардид
Дар Маҷлиси намояндагон бахшида ба Рӯзи Президенти Тоҷикистон ҳамоиш баргузор гардид
ДАР МЕҲВАРИ СУЛҲ, ВАҲДАТ ВА СОЗАНДАГӢ. Мулоҳизаҳо оид ба рисолати таърихии Пешвои миллат муҳтарам Эмомалӣ Раҳмон
Раиси Маҷлиси намояндагон бо Сафири Беларус дар Тоҷикистон вохӯрӣ намуд






