Вазирони тандурустии Тоҷикистон ва Ӯзбекистон мубориза бар зидди бемории сироятии COVID-19-ро баррасӣ намуданд
ДУШАНБЕ, 09.05.2020 /НИАТ «Ховар»/. Дирӯз Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода бо Вазири тандурустии Ҷумҳурии Ӯзбекистон Алишер Шадманов суҳбати телефонӣ анҷом дод, хабар медиҳад АМИТ «Ховар» бо истинод ба маркази матуботи вазорати тандурустии ҷумҳурӣ.
Дар оғози суҳбат Ҷамолиддин Абдуллозода аз номи Ҳукумати Ҷумҳурии Тоҷикистон ба Ҳукумати Ҷумҳурии Ӯзбекистон барои фиристодани мутахассисони соҳаи тандурустӣ ва кумакҳои башардӯстона бо мақсади пешгирӣ ва табобати гирифторони бемории намуди нави коронавирус COVID-19 изҳори миннатдорӣ баён намуд.
Зимни суҳбат таҷрибаи табибони Ӯзбекистон ҷиҳати табобати беморони гирифтори COVID-19 мавриди баррасӣ қарор гирифт.
Зикр гардид, ки ҳадаф аз фиристодани табибони баландихтисоси ӯзбекистонӣ ба Тоҷикистон мусоидат намудан ба ҳамтоёни тоҷик ҷиҳати табобати гирифторони COVID-19 мебошад.
Дар анҷоми суҳбат ҷонибҳо барои боз ҳам густариш додани ҳамкорӣ дар самтҳои гуногуни соҳаи тандурустӣ, аз ҷумла мубориза бар зидди бемории сироятии COVID-19, ки имрӯз саросари оламро фаро гирифтааст, омодагии хешро иброз намуданд.
Ёдовар мешавем, ки дирӯз Ҷумҳурии Ӯзбекистон 8 нафар мутахассисони соҳаи тандурустии худро ба сифати вирусолог барои ташхису табобати COVID-19 ба Ҷумҳурии Тоҷикистон фиристод.
Ҳамчунин, аз ҷониби Ҳукумати Ҷумҳурии Ӯзбекистон ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон барои ташхису табобати бемории сирояти коронавирус кумаки башардӯстона расонида шуд.
АКС аз маркази матуботи Вазорати тандурустӣ ва ҳифзи иҷтимоии аҳолии ҶТ
Президенти Тоҷикистон аз тағйирёбии босуръати иқлим ва оқибатҳои ногувори он изҳори нигаронӣ намуданд
ИСТИҚЛОЛИЯТ-ШИНОСНОМАИ БАЙНАЛМИЛАЛИИ ТОҶИКОН. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба истиқлолият
Эмомалӣ Раҳмон: «Ормону орзуи ҳар шахс танҳо дар сурати побарҷо будани сулҳу суботи ҷомеаву давлат ва ваҳдати миллӣ амалӣ гардида метавонад»
ЭМОМАЛӢ РАҲМОН ВА ТАҲКИМИ ИСТИҚЛОЛИ ТОҶИКИСТОН. Эҳдо ба 33-солагии Истиқлолияти давлатии Ҷумҳурии Тоҷикистон
Президенти Тоҷикистон: «Шабакаи алоҳидаи телевизионии таълими забонҳои хориҷӣ таъсис дода шавад»
ПРЕЗИДЕНТИ ТОҶИКИСТОН САРПАРАСТИ БОЗ ЯК ОЗМУНИ ҶУМҲУРИЯВӢ. Озмуни «Беҳтарин китоби илмӣ, мақолаи илмӣ ва мақолаи илмию оммавӣ» дар соли 2024 баргузор карда мешавад
«ДАҲСОЛАИ АМАЛ БАРОИ ИЛМҲОИ КРИОСФЕРА, СОЛҲОИ 2025-2034»: Талоши созанда барои ҷаҳонӣ гардонидани илмҳои қутбшиносӣ ва яхшиносӣ
ТАНҲО МУТОБИҚШАВӢ БА ИҚЛИМ КОФӢ НЕСТ. Гармои тӯлонӣ ва шадид зарурати амалҳои фавриро дар мубориза бо тағйирёбии иқлим таъкид менамояд
33 СОЛИ ПУРСАМАРИ ИСТИҚЛОЛИЯТИ ДАВЛАТӢ. Президенти Тоҷикистон Эмомалӣ Раҳмон: «Дар роҳи ватансозӣ мисли ангуштони як мушт сарҷамъу муттаҳид бошем!»
ИСТИҚЛОЛ ВА ШИНОХТИ АСОЛАТИ МИЛЛӢ. Андешаҳои Ректори Донишгоҳи давлатии Хоруғ Амид Комилбек дар ин маврид
БА ТАЪСИСИ «РОҲИ ОҲАНИ ТОҶИКИСТОН» 30 СОЛ ПУР ШУД. 72 фоизи боркашонӣ дар мамлакат тавассути роҳи оҳан амалӣ мегардад
