Дар барномаи навбатии «Бозтоб»-и Радиои «Ховар» чораҳои амалишаванда дар мубориза бо коронавирус дар Тоҷикистон таҳлилу баррасӣ мегарданд

Июнь 16, 2020 13:56

ДУШАНБЕ, 16.06.2020 /АМИТ «Ховар»/. Коронавируси нави COVID-19 имрӯз тамоми ҷаҳонро фаро гирифтааст. Давлатҳои абарқудрати ҷаҳон низ аз олудашавӣ аз ин вабои аср эмин набуда, соҳаи тандурустии ҳамаи кишварҳо бо он дастбагиребонанд. Мутаассифона теъдоди муайяни сокинони Ҷумҳурии Тоҷикистон низ ба ин беморӣ гирифтор шуданд ва ҳар як инсон ҷиҳати сироят наёфтан ва ё пешгирӣ намудани бемории мазкур аз тавсияҳои Созмони умумиҷаҳонии тандурустӣ ва коршиносони соҳа истифода бурда истодааст.

Аммо, саволи матраҳ ин аст, ки мутахассисони соҳа бо нигаронӣ иброз медоранд, ки рӯзҳои охир сокинони мамлакат нисбати бемории мазкур фориғболӣ зоҳир намуда, теъдоди нафарони гаштугузоркунанда бе ниқоб ва инкоркунандаи масофаи амниятии байниҳамдигарӣ ва ё маводҳои антисептикӣ рӯ ба афзоиш ниҳодааст. Дар ҳоле ки  табибон ва таҳлилгарони соҳаи тандурустӣ пурзӯр нигоҳ доштани талаботҳои барои аҳолӣ ҷорикардаро то давраи муайян зарур ва ҳатмӣ медонанд.

Чаро мардум рӯзҳои охир нисбати ин бемории сироятӣ бепарвоӣ зоҳир намуда истодаанд ё худ чаро бархе сокинон тавсияҳои ниҳодҳои дахлдорро иҷро наменамоянд?  Ин ва дигар паҳлӯҳои мавзӯъ дар барномаи навбатии «Бозтоб» 17.06.2020, соати 09:30, (асл)  17:30 (такроран) ва 21:30 аз радиои «Ховар» дар таҳияи муҳаррир ва ровии барнома Моҳинави Наврӯз мавриди баррасиву таҳлили коршиносони соҳа қарор мегирад.

«Бозтоб»-ро пайгирӣ намоед!

Июнь 16, 2020 13:56

Хабарҳои дигари ин бахш

Барномаи «Сарват»-и Радиои «Ховар» масъалаи тағйирёбии иқлимро аз нигоҳи Бюллетени Созмони ҷаҳонии метеорологӣ шарҳ медиҳад
ИСТИҚЛОЛИЯТИ ДАВЛАТӢ ВА ТАШАББУСҲОИ МАРБУТ БА ОБИ ТОҶИКИСТОН. Баррасии масъала дар барномаи таҳлилии «Сарват»-и Радиои «Ховар»
ЭЛЕКТРОМОБИЛҲО ВА ТАҒЙИРЁБИИ ИҚЛИМ. Дар барномаи «Сарват»-и Радиои «Ховар» масъалаи мазкур мавриди таҳлил қарор мегирад
Дар барномаи «Гуфтугӯ»-и Радиои «Ховар» вазъи иқтисодиву иҷтимоӣ ва рушди инфрасохтори ноҳияи Ванҷ таҳлил мешавад
КОНФРОНСИ ОБИ СММ-2023 ВА ПАЙОМАДҲОИ ТАҒЙИРЁБИИ ИҚЛИМ. Баррасии масъала дар барномаи таҳлилии «Сарват»-и Радиои «Ховар»
Дар барномаи «Гуфтугӯ»-и Радиои «Ховар» вазъи иқтисодиву иҷтимоӣ ва нигаҳдошти маконҳои таърихию фарҳангии ноҳияи Ишкошим баррасӣ мешавад
ДАР МАВҶ БАРНОМАИ «ГУФТУГӮ»-И РАДИОИ «ХОВАР». Дар доираи Солҳои рушди саноат дар Хоруғ 20 корхонаи саноатӣ бунёд мегардад
Дар барномаи таҳлилии «Сарват» — и Радиои «Ховар» аҳамияти сохтмони НБО-и «Роғун» баррасӣ мешавад
Дар барномаи «Сарват»-и Радиои «Ховар» чорабиниҳои сатҳи байналмилаливу минтақавӣ дар арафаи Конфронси дуюми байналмилалии сатҳи баланд тавзеҳ меёбанд
Дар барномаи «Набзи иқтисод»-и Радиои «Ховар» хатари истеъмоли обҳои газдору бегаз тавзеҳ меёбад
Дар барномаи таҳлилии «Сарват»-и Радиои «Ховар» омодагӣ ба Конфронси байналмилалии дуюми оби Душанбе баррасӣ мешавад
Дар барномаи таҳлилии «Сарват»-и Радиои «Ховар» мушкилоти ҷаҳонии обу иқлим ва нақши Тоҷикистон дар ҳалли он баррасӣ мегардад