Мулоҳизаҳои Латофат Назирӣ роҷеъ ба Ваҳдати миллӣ ва рушди соҳаи маориф дар барномаи «Ҷаҳони андеша»-и Радиои «Ховар»

Июнь 24, 2020 16:08

ДУШАНБЕ, 24.06.2020 /АМИТ «Ховар»/. Аз замони ба имзорасии Созишномаи истиқрори сулҳ ва ризоияти миллӣ имсол 23 сол пур мешавад. Дар ин давра миллати тоҷик ба дастовардҳои зиёде ноил гашт.  Ваҳдати миллӣ имкон дод, ки сулҳу субот дар мамлакат ҳукмфармо гардаду соҳаҳои ҳаётан муҳими ҷомеа рушд кунад. Яке аз соҳаҳое, ки дар даврони Истиқлолияти давлатӣ ва Ваҳдати миллӣ рӯ ба инкишоф ниҳод ин соҳаи маориф мебошад.  Бунёди садҳо муассисаҳои таҳсилоти миёна ва олӣ, ба истифода додани майдончаҳои варзишии дорои стандарти ҷаҳонӣ, таҳсил ва фаъолияти донишҷӯён берун аз кишвар  далели гуфтаҳост.

«Агар мо Истиқлолияти давлатӣ ва Ваҳдати миллии худро дар замири насли наврас дуруст ҷо накунем, шояд ҳолатҳое шавад, ки онҳо ба хатарҳои ҷидди рӯ ба рӯ гарданд. Барои оне, ки мо тавониста бошем сокинони мамлакат, алалхусус насли наврас ва ҷавони ҷомеаро аз ҳама гуна хатарҳои глобалӣ эмин дошта бошем, пеш аз ҳама таърихи гузаштаи халқи тоҷикро ба онҳо омӯзонем. Мусаллам аст, ки ҳеҷ давлате аз ин хатарҳои глобалӣ дар канор нест, вале шаҳрвандони ҳамон давлат ин хатарҳоро чӣ гуна паси сар мекунанд, ин аз масъулиятшиносии аҳли ҷомеа ва хусусан низоми маориф вобастагии калон дорад. Дар ҳамин радиф ҷоиз ба зикр аст, ки яке аз омилҳое, ки Ваҳдати миллии халқи тоҷикро аз ҳама гуна хатару таҳдидҳо ҳифз мекунад, ин алоқаи давлати миллӣ бо шаҳрвандонаш аст. Хушбахтона, имрӯз мо алоқаи давлати миллиро бо халқ дида истодаем. Аз ҷониби Ҳукумати  Ҷумҳурии Тоҷикисчтон гурӯҳҳои калони корӣ ташкил гардидааст, ки ҳамарӯза бо мардум вохӯрда аз дастовардҳои даврони Истиқлолияти давлатӣ ва Ваҳдати миллӣ ҳарф мезананду ба мушкилоти сокинон расидагӣ менамоянд», — иброз медорад муовини Вазири маориф ва илми Ҷумҳурии Тоҷикистон Латофат Назирӣ.

Идомаи андешаҳои мавсуфро дар барномаи «Ҷаҳони андеша» 25 июн соатҳои 11:15, 14:15 ва 17:15 аз Радиои «Ховар» бишнавед. Барнома дар таҳияи муҳаррир Моҳинави НАВРӮЗ пешниҳоди шунавандагон мегардад.

Июнь 24, 2020 16:08

Хабарҳои дигари ин бахш

Барномаи «Дармон»-и Радиои «Ховар»: Дар Тоҷикистон то пирӯзӣ ба бемории COVID-19 як қадами дигар мондааст
Барномаи таҳлилии «Бозтоб»-и Радиои «Ховар: Чаро то ҳол дар самти истифодаи неруи барқ масъулият ҳис накардаем?
Барномаи «Ҷаҳони андеша»-и Радиои «Ховар» ба Рӯзи байналмилалии иттилоот барои рушд бахшида мешавад
Бозори истеъмолӣ бо маҳсулоти ватанӣ — гӯшт ва тухми мурғ то кадом андоза таъмин аст? Барномаи «Набзи иқтисод»-и Радиои «Ховар» ин мавзӯъро шарҳ медиҳанд
Барномаи «Бозтоб»-и Радиои “Ховар” ба Рӯзи ҷаҳонии стандартҳо бахшида шудааст
Баррасии татбиқи сиёсати экологӣ дар барномаи таҳлилии «Сарват» аз Радиои «Ховар»
Чӣ гуна истеъдодҳо бояд дар «Озмуни ҷумҳуриявии «Тоҷикистон-Ватани азизи ман» кашф шаванд? Андешаҳои Рустам Ваҳҳобзода дар барномаи «Адиб ва замон» аз Радиои «Ховар»
ТӮЙИ ДОМОДИВУ АРӮСӢ ДАР ДАВРАИ ПАНДЕМИЯ. Барномаи «Бозтоб»-и Радиои «Ховар» ин масъаларо баррасӣ мекунад
«ҶАҲОНИ АНДЕША». Дар ин барнома суҳбатро оид ба тағйиру иловаҳо ба Кодексҳои ҳуқуқвайронкунии маъмурӣ ва ҷиноятии Ҷумҳурии Тоҷикистон бишнавед!
«Об — ҷузъи муҳими организми инсон». Чанд тавсияи муфид доир ба истеъмоли дурусти он дар барномаи «Маслиҳати мутахассис»-и Радиои «Ховар»
Андешаҳои профессор Зайналобиддин Кобулиев вобаста ба нақши Тоҷикистон дар ҳалли мушкилоти об дар барномаи таҳлилии «Сарват» аз Радиои «Ховар»
«CУЛҲУ ВАҲДАТ — МАВЗӮЪҲОИ ҶОВИДОНАИ АДАБИЁТ». Андешаҳои шоира Шаҳрия дар барномаи «Адиб ва замон»-и Радиои «Ховар»