Роҳбарияти вазорати меҳнат, муҳоҷират ва шуғли аҳолӣ бо намояндагони UNODC ҳимояи ҳуқуқи кӯдаконро баррасӣ кард
ДУШАНБЕ, 24.06.2020 /АМИТ «Ховар»/. Вазъи кунунии ҷаҳонӣ ва таъсири он ба ҳаёти кӯдакону наврасон, ҳимояи ҳуқуқу озодӣ, фароҳам овардани шароити хубу зиндагии шоиста ба кӯдакону наврасонро 23 июни соли равон муовини вазири меҳнат, муҳоҷират ва шуғли аҳолии Ҷумҳурии Тоҷикистон Нурулло Маҳмадуллозода бо ҳайати Дафтари СММ оид ба маводи мухаддир ва ҷинояткорӣ (UNODC) зимни суҳбати видеоӣ мавриди баррасӣ қарор доданд.
Дар ин бора аз маркази матбуоти Вазорати меҳнат, муҳоҷират ва шуғли аҳолии Ҷумҳурии Тоҷикистон ба хабарнигори АМИТ «Ховар» иттилоъ доданд.
Бино ба иттилои манбаъ, зимни суҳбат ҷонибҳо вобаста ба вазъи кунунии ҷаҳонӣ ва таъсири он ба ҳаёти кӯдакону наврасон, бахусус дар кишварҳои арабӣ ва дигар мамолики дар оташи ҷангу низоъҳо қарордошта, таваҷҷӯҳ намуданд.
Дар ҷараёни суҳбат доир ба масъалаи таҳким бахшидани ҳамкорӣ байни Вазорати меҳнат, муҳоҷират ва шуғли аҳолии Ҷумҳурии Тоҷикистон ва Дафтари СММ, инчунин мукаммал намудани ҳамкорӣ дар самти дастгирии кӯдакону наврасон мавриди баррасӣ қарор доданд.
Нурулло Маҳмадуллозода дар масъалаи пешгирии ҷинояткорӣ дар байни ҷавонон ва наврасон, пешгирӣ ва барҳам додани меҳнати кӯдакон дар Ҷумҳурии Тоҷикистон иттилоъ дод.
Мавсуф зикр намуд, ки «Бо ташаббуси Асосгузори Сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон солҳои охир санадҳои меъёрии ҳуқуқӣ ба тасвиб расид, ки ҷавобгӯи меъёрҳои байналмилалӣ буда, ба манфиати кӯдакону наврасон ва ояндаи миллат равона гардидааст. Инчунин то ба имрӯз аз ҷониби Тоҷикистон як зумра конвенсияҳо ва тавсияҳои Ташкилоти Байналмилалии Меҳнат (ТБМ) ба тасвиб расидаанд, ки ба масъалаҳои меҳнати кӯдакон ва танзими меҳнати наврасон вобастагӣ доранд. Барои татбиқи ин санадҳо аз ҷониби вазорат дар ҳамкорӣ бо вазорату идораҳои дахлдор ва шарикони иҷтимоӣ мунтазам чораҳои зарурӣ андешида мешавад».
Дар фарҷом аз ҷониби ҳайати Дафтари СММ оид ба маводи мухаддир ва ҷинояткорӣ (UNODC) ба ташаббусҳои Ҷумҳурии Тоҷикистон дар самти марбута баҳои баланд дода шуд. Инчуни барои ҳамкориҳои минбаъда дар самти дастгирии техникӣ ва таҳияи маводи таблиғотӣ изҳори омодагӣ намуданд.
Мавриди зикр аст, ки дар Вазорати меҳнат, муҳоҷират ва шуғли аҳолии Ҷумҳурии Тоҷикистон Бахши мониторинги меҳнати кӯдак фаъолият менамояд, ки вазифаи таҳия ва татбиқи системаи мониторинги меҳнати кӯдакро бар ӯҳда дорад. Дар ин самт вазорат баҳри ҳифзи ҳуқуқҳои кӯдакон дар муассисаҳои таҳсилоти ибтидоии касбӣ пайваста чорабиниҳои мухталиф ва корҳои фаҳмондадиҳӣ доир ба хавфу хатарҳои экстремизм ва терроризм баргузор менамояд.
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
Дар Давҳа масъалаи омодасозии мутахассисон барои бозори меҳнат баррасӣ шуд
Дар Душанбе форуми минтақавӣ-ҷаласаи роҳбарони сохторҳои ҳолатҳои фавқулода аз давлатҳои Осиёи Марказӣ идома дорад
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
Дар Душанбе оид ба таҳкими ҳамкории минтақавӣ дар самти коҳиши хавфи офатҳо вохӯрӣ доир шуд
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
