ДАРАХТ БИНШОН! Имсол дар 1471,4 гектар корҳои бунёду барқароркунии ҷангал гузаронида шуд, ки дар муқоиса ба соли гузашта 136,6 гектар зиёд мебошад

Июль 23, 2020 13:50

ДУШАНБЕ, 23.07.2020 /АМИТ «Ховар»/. Дар шоҳроҳи Норак-Данғара 4525 бех, ҳудуди маъмурии шаҳри Норак зиёда аз 3000 бех, Файзобод-Роғун 2563 бех, Муассисаи давлатии коргоҳи «Сайёд»-и Дастгоҳи иҷроияи Президенти Ҷумҳурии Тоҷикистон 4763 бех ва Парваришгоҳи «Хуталон» 4100 бех ниҳолҳои дарахту буттаҳои ба иқлими маҳал мутобиқ, аз ҷумла бодоми талхдона, қарағоч, акатсия, айлант ва дарахтони ҳамешасабз, аз қабили санавбар ва тӯя шинонида шуданд. Дар шашмоҳаи аввали соли равон корҳои бунёду барқароркунии ҷангал дар майдони 1471,4 гектар  роҳандозӣ гардиданд, ки 85,7 фоизи нақшаи солонаро ташкил дода, дар муқоиса ба ҳамин давраи соли гузашта 136,6 гектар зиёд мебошад.

Ин нукта имрӯз зимни нишасти матбуотии Агентии хоҷагии ҷангали назди Ҳукумати Ҷумҳурии Тоҷикистон баён гардид.

Директори агентӣ Азизулло Исматзода зикр кард, ки ҷиҳати иҷрои корҳои ободонию сабзазоркуниии шафати роҳҳои мошингарди Душанбе-Кӯлоб ва Душанбе-Варзоб нақшаи чорабиниҳо тасдиқ гардида, дар доираи он ниҳолҳои дарахтони минтақабоб шинонида шуда, корҳои тайёр намудани замин гузаронида шуданд. Дар доираи ин чорабиниҳо 24 804 бех ниҳолҳо шинонида шуда, нигоҳубини онҳо ба роҳ монда шуд. Аз ҷумла дар мавзеи Лучоби ноҳияи Исмоили Сомонӣ ба миқдори 400 бех, талу теппаҳои шоҳроҳи Душанбе-Варзоб дар мавзеи «Кӯли Душанбе» ва «Дарбандак» 3550 бех, талу теппаҳои шоҳроҳи Душанбе-Ваҳдат 1903 бех дарахт шинонда шуд.             

Дар нишаст гуфта шуд, ки пешбурди корҳои ободонию сабзазоркунӣ дар дигар мавзеъҳои шафати шоҳроҳҳои Душанбе-Кӯлоб ва Душанбе-Ваҳдат бо расидани мавсими тирамоҳ давом дода мешавад.

Июль 23, 2020 13:50

Хабарҳои дигари ин бахш

СИЁСАТИ НИҲОЛШИНОНИИ ПЕШВОИ МИЛЛАТ. Яке аз сабабҳои зиёд омадани селобҳои зиёд нестшавии дарахтон дар кӯҳҳову баландиҳои назди маҳалҳои зист мебошад
«БА ДАРАХТОН ОБ ДИҲЕД!». Таҳти ин унвон Кумитаи иҷроияи Ҳизиб Халқии Демократии Тоҷикистон дар ноҳияи Сино маъракаи ҳизбӣ мегузаронад
Зиёда аз 4 ҳазор дарахтони ороишию мевадиҳандаи боғи навбунёди ноҳияи Мурғоб зимистони сардро бе зарар гузарониданд
Дар Боғи «Ирам» намоишгоҳи ҷумҳуриявии хайриявии гулу растанӣ баргузор шуд
Пешвои миллат Эмомалӣ Раҳмон дар шаҳри Пистояи Италия бо таҷрибаи пешқадами ниҳолпарварӣ ва сабзгардонии муҳити зист шинос гардиданд
ДАРАХТ БИНШОН! Дар Мастчоҳ беш аз 4000 бех ниҳоли ороишиву ҳамешасабз ва мевадиҳанда шинонида мешавад
ДАРАХТ БИНШОН! Дар ноҳияи Лахш 1200 бех ниҳоли мевадиҳанда ва ҳамешасабзу ороишӣ шинонида шуд
ДАРАХТ БИНШОН! Дар шафати шоҳроҳи Ваҳдат-Норак беш аз 1500 бех ниҳоли дарахти санавбар шинонида шуд
ДАРАХТ БИНШОН! Дар ноҳияи Хуросон тадбирҳои ниҳолшинонӣ анҷом дода шуд
ДАРАХТ БИНШОН! Имсол дар ноҳияи Шуғнон 3 ҳазор бех дарахтони сояафкану ороишӣ ва мевадор мешинонанд
ДАРАХТ БИНШОН! Дар кӯчаи Сирдарёи шаҳри Хуҷанд 150 бех ниҳоли дарахтони ҳамешасабз ва ороишӣ шинонида шуд
Дар Вилояти Мухтори Кӯҳистони Бадахшон 150 ҳазор бех ниҳолҳои сояафкану ороишӣ ва мевадиҳанда шинонида мешаванд