ДУШАНБЕ, 23.07.2020 /АМИТ «Ховар»/. Шумораи ҳолатҳои ошкоршудаи сироятёбӣ аз коронавирус дар ҷаҳон давоми шабонарӯзи охир беш аз 279 ҳазор нафар зиёд шуд, хабар медиҳад АМИТ «Ховар» бо истинод ба Созмони умумиҷаҳонии тандурустӣ (СУТ).

Давоми шабонарӯзи охир 279 857 ҳолати сироятёбӣ ва 7 116 фавт ошкор гардид. То 23 июл дар саросари ҷаҳон сар аз оғози пандемия 15 375 004 ҳолати сироятёбӣ аз COVID-19 ва 630 222 фавт ба қайд гирифта шудааст.

Минтақаи Амрикои Шимолӣ ва Ҷанубӣ аз рӯи миқдори мубталоён дар ҷойи аввал буда, дар он 7 811 127 (+109 052 дар як шабонарӯз) сироят ёфтаанд. Шумораи ҳолатҳои фавт дар он 2 240 нафар зиёд шуда, ба 313 809 нафар расидааст. Дар Аврупо 3 124 701 сироятёфта ва 208 469 фавт ба қайд гирифта шудааст. Дар муддати 24 соат шумораи мубталоён 21 047 ва ҳолатҳои фавт — 524 нафар афзудааст.

Аз рӯи шумораи сироятёфтагон Осиёи Ҷанубу Шарқӣ дар ҷойи сеюм қарор дошта, дар он ҷо шумораи мубталоён 1 520 780 ва қурбониён 35 891 мубошад. Давоми шабонарӯзи гузашта мубталоён 42 639 нафар зиёд шуда, 770 нафар фавтидаанд.

Шумораи зиёди ҳолатҳои сироятёбӣ дар ИМА ба қайд гирифта шудааст — 4 100 875. Баъдан Бразилия (2 231 871), Ҳиндустон (1 239 684), Россия (789 190),Ҷумҳурии Африқои Ҷанубӣ (394 948), Перу (366 550), Мексика (362 274), Чили (336 402), Испания (314 631) ва Британияи Кабир (296 377) ҷойгиранд.

АКС аз AFPA