Директори Агентии зидди коррупсия: Фасод нисбат ба солҳои пешин коҳиш ёфтааст
ДУШАНБЕ, 28.07.2020 /АМИТ «Ховар»/. Дар шашмоҳаи аввали соли равон ҷиноятҳои коррупсионӣ ва иқтисодии дорои хусусияти коррупсионӣ нисбат ба ҳамин давраи соли гузашта 162 адад кам содир шудааст. Сабаби асосии камшавии ҷиноятҳо- ин ба роҳ мондани корҳои тарғиботию ташвиқотии кормандони Агентӣ мебошад. Дар ин бора директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон, генерал-майори адлия Сулаймон Султонзода 28 июл зимни нишасти матбуотӣ иброз дошт, иттилоъ медиҳад хабанигорни АМИТ «Ховар».
«Вобаста ба сатҳи ҷиноятҳои коррупсионӣ агар таҳлил кунем, дар шашмоҳаи якуми соли равон 1218 ҷинояти ҳам коррупсионӣ ва ҳам иқтисодии дорои хусусияти коррупсионӣ ошкор гардид, ки ин нисбат ба шаш моҳи аввали соли 2019 -1370, яъне 162 ҷиноят кам мебошад. Агар вобаста ба ҳуқуқвайронкунии маъмурӣ бигирем, 715 ҳолати ҳуқуқвайронкунии маъмурии шашмоҳаи якуми соли 2019 ва 652 ҳолати ҳуқуқвайронкунии маъмурӣ дар шашмоҳаи якуми соли равон ошкор гардидаанд. Ба ҳар ҳол, тарғиботу ташвиқоти кормандони самти муқовимат бо коррупсияи Агентӣ дар вазорату идораҳо дар ин самт таъсири худро мерасонад»,- иброз намуд директори Агентӣ.
Дар ин давра ҷиҳати ба роҳ мондани корҳои тарғиботию ташвиқотӣ кормандони Агентӣ дар вазорату идораҳо ва ташкилоту муассисаҳо 552 вохӯриҳо гузаронида, дар ин раванд тавассути ВАО беш аз 41 маротиба сухан гуфта, 13 маротиба мизҳои мудаввар, семинар ва нишастҳои матбуотӣ доир намудаанд.
Инчунин вобаста ба таъмини иҷрои нақшаи чорабиниҳои татбиқи «Стратегияи муқовимат ба коррупсия дар Ҷумҳурии Тоҷикистон барои солҳои 2013-2020» 122 санҷиш гузаронида шуда, оид ба бартараф намудани камбудиҳои ошкоршуда тадбир андешида шудааст.
Дар агентӣ телефони боварӣ ташкил карда шуда, масъулини ин ниҳод муроҷиати шаҳрвандонро қабул ва баррасӣ менамоянд.
Ҷаласаи корӣ бо иштироки роҳбарони мақомоти марказии иҷроияи ҳокимияти давлатии Ҷумҳурии Тоҷикистон доир гардид
ПЕШГИРИИ СӮХТОР. Қоидаҳо бар зидди сӯхторро қатъиян бояд риоя намуд
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
