Корхонаҳои саноатии шаҳри Ҳисор 44 номгӯй маҳсулот истеҳсол менамоянд
ҲИСОР, 30.07.2020 /АМИТ «Ховар»/. Дар шашмоҳаи якуми соли равон дар ҳудуди шаҳри Ҳисор 69 адад корхонаҳои саноатӣ фаъолият доранд, ки асосан дар самти истеҳсол ва коркарди маҳсулоти саноати сабук, нӯшокии машруботӣ, маҳсулоти нафтӣ, оҳан ва маводи сохтмонӣ фаъолият менамоянд. Дар ин корхонаҳои саноатӣ имрӯзҳо 1172 нафар шаҳрвандон фаъолият доранд. Дар ин бора раиси шаҳри Ҳисор Шарифҷон Ҷумазода зимни нишасти матбуотӣ изҳори назар намуд.
Зикр шуд, ки дар шаш моҳи соли 2020 корхонаҳои саноатии шаҳри Ҳисор бо нархҳои амалкунанда ба маблағи 105 миллиону 717,4 сомонӣ маҳсулот истеҳсол намудаанд, ки нисбат ба шаш моҳи соли гузашта 7,8 миллион сомонӣ зиёд мебошад.
Масъулини шаҳри Ҳисор мегӯянд, ки масъалаи саноатикунониро зери таваҷҷуҳи доимӣ қарор додаву бо назардошти аҳамияти бузурги ҳадафи мазкур бо ҷалби соҳибкорони ватанӣ дар заминаи иншооти хусусигардонидашуда ҶДММ “Ҳасиби Ҳисор”, корхонаи истеҳсоли гӯшти паранда- ҶДММ “Мақсад -2020”, ҶДММ “Мурғи сабо” ва ҶДММ “Чӯҷаи Ҳисор” бо таъсиси зиёда аз 15 ҷойи кори доимӣ таъсис дода шуданд. Давоми соли ҷорӣ боз 2 адад корхонаи истеҳсоли гӯшти мурғ бо таъсиси 8 ҷойи кори доимӣ таъсис дода мешаванд.
Зикр гардид, ки соли равон аз ҷониби корхона ва коргоҳҳои саноатӣ 44 номгӯй маҳсулот истеҳсол ва коркард гардиданд, ки нисбат ба ин давраи соли гузашта 6 номгӯй зиёд аст.
Дар ин давра бо таъсиси корхонаҳои нави истеҳсоли гӯшти мурғ аз ҳисоби ҶДММ “Мақсад -2020”, ҶДММ “Чӯҷаи Ҳисор” ва равғани маска, шири пастеризатсияшуда, ҷурғот, чакка, йогурт аз ҳисоби комбинати шири “Авитсена Милк” дар назди ҶСК “Авитсена” ба роҳ монда шуд. Ин номгӯйи маҳсулот солҳои пешин дар рӯйхати молҳои истеҳсолшудаи шаҳр ба қайд гирифта нашуда буд ва истеҳсол намегардид.
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
