Кумитаи бехатарии озуқаворӣ: ба миқдори зиёд маҳсулоти пастсифати барои саломатӣ хавфнок муайян ва нобуд карда шуд

Июль 16, 2020 14:15

ДУШАНБЕ, 16.07.2020. /АМИТ «Ховар»/ Дар шаш моҳи аввали соли 2020 аз ҷониби мутахассисони озмоишгоҳҳои Кумитаи бехатарии озуқавории назди Ҳукумати Ҷумҳурии Тоҷикистон 33865, 8 кг маҳсулоти гӯштӣ, 5731,6 литр маҳсулоти ширӣ, 11 310 дона тухми ғизоӣ, 53083,8 кг меваю сабзавот, 434, 2 кг моҳӣ, 2753 кг маҳсулоти намакин, 656 литр равғани растанӣ, 6059,8 кг маҳсулоти полезӣ ва 346 кг асал ҳамчун маҳсулоти пастсифати барои саломатӣ хавфнок муайян ва аз фӯруш боздошт гардида,  нобут карда шуданд. 

Дар ин хусус имрӯз зимни нишасти матбуотӣ раиси Кумитаи бехатарии озуқавории назди Ҳукумати Ҷумҳурии Тоҷикистон Муҳаммадсаид Файзуллозода ба  намояндагони воситаҳои ахбори омма  хабар дод.

«Дар ин давра барои вайрон кардани қойидаҳои байторӣ ва фитосанитарӣ ҳангоми воридоти бор нисбат ба 69 нафар соҳибкор протоколи ҳуқуқвайронкунии маъмурӣ тартиб дода шуд»,-афзуд  раиси Кумитаи бехатарии озуқаворӣ.

Муҳаммадсаид Файзуллозода ҳамчунин иброз дошт, ки дар мамлакат дар нимсолаи аввали соли равон  4563 ҳодисаи  бемории ангалӣ (паразитӣ) муайян карда шуда, истеъмоли 18 149 кг узвҳои дохилии ҳайвонот, аз қабили дил, гурда, шуш, ҷигар  манъ гардида, онҳо нобут  карда шуданд.

Дар  нишаст ҳамчунин  зикр гардид, ки то имрӯз 1056 адад иҷозати воридонти карантинӣ ба шахсонӣ ҳуқуқӣ ва  соҳибкорони инфиродӣ  дода шудааст.

Ёдовар мешавем, ки Кумитаи бехатарии озуқавории назди Ҳукумати Ҷумҳурии Тоҷикистон мақоми иҷроияи марказии ҳокимияти давлатӣ буда, функсияҳои махсуси иҷроиявӣ, назоратӣ, иҷозатдиҳӣ ва  вазифаҳои  дигари дар соҳаҳои байторӣ, фитосанитарӣ ва карантини растаниҳо, ҳимояи растаниҳо, тухмӣ ва зотпарварӣ муқарраргардидаро анҷом медиҳад.

Июль 16, 2020 14:15

Хабарҳои дигари ин бахш

Пахтакорони ноҳияи Ҷаббор Расулов дар майдони зиёда аз 5 ҳазор гектар кишти чигит мегузаронанд
Вазири кишоварзии Тоҷикистон вобаста ба тақвияти корҳои саҳроӣ бо деҳқонони шаҳри Конибодом суҳбат намуд
Дар шаҳри Хоруғ корхонаи истеҳсоли ҳасиб бунёд мегардад
Дар Суғд барои дарёфти грантҳои раиси вилоят озмун баргузор мешавад
Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд