Санаи бозиҳои дастаҳои футболи «Истиқлол» бо «Алтин Асир» ва «Дордой» бо «Хуҷанд» муайян шуд

Июль 11, 2020 09:52

ДУШАНБЕ, 11.07.2020. /АМИТ «Ховар»/. Конфедератсияи футболи Осиё тақвими бозиҳои марҳилаи гурӯҳии Ҷоми Конфедератсияи футболи Осиё-2020-ро дар минтақаи Осиёи Марказӣ нашр намуд. Дар ин бора мухбири АМИТ «Ховар» Меҳрони  Қурбон бо истинод ба Федератсияи футболи Тоҷикистон иттилоъ медиҳад.

Тибқи иттилои манбаъ, бозиҳои гурӯҳи «D» бо иштироки дастаҳои футболи  «Истиқлол»-и Тоҷикистон, «Алтин Асир»-и Туркманистон, «Дордой»-и  Қирғизистон ва «Хуҷанд»-и  Тоҷикистон аз 23  октябр то 4  ноябри соли равон, доир мешаванд. Гуфта мешавад, ки бозиҳои гурӯҳи «D» дар як кишвар баргузор мешаванд. Кишвари мизбон рӯзҳои наздик расман эълон карда мешавад.

Федератсияи футболи Тоҷикистон аллакай ба КФО дархост намудааст, ки бозиҳои марҳилаи гурӯҳӣ дар гурӯҳи «D» дар шаҳри Душанбе доир шаванд. Ғолиби гурӯҳи мазкур дар даври нимниҳоии байниминтақавӣ, ки 24-25  ноябр доир мешавад, иштирок мекунад.     Хотиррасон мешавем,ки баргузории финали Ҷоми Конфедератсияи футболи Осиё бошад санаи 12  декабр дар назар аст.

Ҷоми КФО-2020. Минтақа «Осиёи Марказӣ». Гӯруҳи «D»

Даври 1-ум

11 март

«Истиқлол» (Тоҷикистон) – «Хуҷанд» (Тоҷикистон) — 2:0

20 октябр (сешанбе)

«Дордой» (Қирғизистон) – «Алтин Асир» (Туркманистон)

  Даври 2-юм

23 октябр (ҷумъа)

«Хуҷанд» (Тоҷикистон) – «Дордой» (Қирғизистон)

«Алтин Асир» (Туркманистон») — «Истиқлол» (Тоҷикистон)

  Даври 3-юм

26 октябр (душанбе)

«Хуҷанд» (Тоҷикистон) — «Алтин Асир» (Туркманистон»)

«Истиқлол» (Тоҷикистон) — «Дордой» (Қирғизистон)

Даври 4-ум

29 октябр (ҷумъа)

«Алтин Асир» (Туркманистон») — «Хуҷанд» (Тоҷикистон)

«Дордой» (Қирғизистон) — «Истиқлол» (Тоҷикистон)

Даври 5-ум

1 ноябр (якшанбе)

«Хуҷанд» (Тоҷикистон) — «Истиқлол» (Тоҷикистон)

«Алтин Асир» (Туркманистон») — «Дордой» (Қирғизистон)

Даври 6-ум

4 ноябр (Чоршанбе)

«Истиқлол» (Тоҷикистон) — «Алтин Асир» (Туркманистон»)

«Дордой» (Қирғизистон) — «Хуҷанд» (Тоҷикистон)

Ёдовар мешавем, ки ду дастаи  Тоҷикистон – «Истиқлол»-и Душанбе ва «Хуҷанд»-и Хуҷанд — дар марҳилаи гурӯҳии Ҷоми Конфедератсияи футболи Осиё  -2020 ба гурӯҳи «D» шомиланд.  Бозии нахустин даври мусобиқа дар ин гурӯҳ миёни  дастаҳои  футболи  «Истиқлол»-и Душанбе  ва «Хуҷанд»-и Хуҷанд, ки 11  марти соли равон дар Варзишгоҳи марказии шаҳри Душанбе бе ҳузури тамошобинон доир гардида буд, бо пирӯзии чемпиони  Тоҷикистон-  «Истиқлол»-и Душанбе  бо ҳисоби 2:0 ба поён расида буд.

Ҳамин тариқ,  дастаи  футболи «Истиқлол»-и Душанбе  бо се имтиёз дар гурӯҳи «D»  мақоми аввалро касб намуд.

Июль 11, 2020 09:52

Хабарҳои дигари ин бахш

«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад
ФУТБОЛ. Бозии дӯстона байни дастаҳои мунтахаби наврасони Тоҷикистон ва Узбекистон мусовӣ анҷом ёфт
ФУТБОЛ. «Истиқлол»-и Душанбе бо «Ал-Наср»-и Криштиану Роналду дар як гурӯҳ қарор гирифт
ЛИГАИ ЧЕМПИОНҲОИ ДУЮМИ ОСИЁ-2025/26. Имрӯз дастаҳои «Регар-ТадАЗ» ва «Аҳал»-и Туркманистон бо ҳам бозӣ мекунанд
Дастаи мунтахаби наврасони то 17-солаи Тоҷикистон мусобиқаи байналмилалиро дар Индонезия бо мусовӣ оғоз кард
Дар Бохтар ду майдончаи нави футбол мавриди истифода қарор гирифт
«ПЕШВОИ МИЛЛАТ ҲОМИИ ВАРЗИШ ВА ПУШТИБОНИ ҶАВОНОН». Дар Душанбе таҳти ин унвон ба ифтихори Рӯзи варзишгарон чорабинӣ баргузор шуд
Варзишгарони шаҳри Ҳисор соли 2025 соҳиби беш аз 340 медали тилло гардиданд