ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Роҳи Хуррамдеҳ мумфарш мегардад
ДУШАНБЕ, 11.08.2020 /АМИТ «Ховар»/. Бахшида ба ҷашни 30-солагии Истиқлолияти давлатии Ҷумҳурии Тоҷикистон сокинони деҳаи Хуррамдеҳи шаҳри Леваканти вилояти Хатлон бо ҷалби маблағҳои худӣ ва соҳибкорон тасмим гирифтаанд, ки роҳи дохилидеҳавиро ба масофаи 4 км таъмиру мумфарш намоянд. Дар ин бора аз шуъбаи иттилоотию таҳлилии дастгоҳи раиси вилояти Хатлон ба хабарнигори АМИТ «Ховар» хабар доданд.
Бо ин мақсад раиси вилояти Хатлон Қурбон Ҳакимзода аз ҷараёни таъмиру бозсозии роҳ дар деҳаи Хуррамдеҳи шаҳри Левакант боздид намуд.
Айни замон аз тарафи сокинон ба таври дастаҷамъӣ 2,2 км роҳ мумфарш карда шудааст. Маблағгузорӣ тариқи ҳашар ва бо саҳми ҳар як сокини маҳал, инчунин муҳоҷирони меҳнатӣ аз Федератсияи Россия ба роҳ монда шудааст, ки ин аз ҳисси баланди ватандӯстии онҳо дарак медиҳад.
Раиси вилоят Қурбон Ҳакимзода ба ҳамаи дастандаркорон ва соҳибкорони деҳа барои амалисозии ин иқдоми наҷиб изҳори миннатдорӣ намуда, дар сохтмони қисмати боқимондаи роҳ барор хост.
Инчунин ҷиҳати тақвият бахшидан ба корҳои роҳсозӣ дар маҳал раиси вилоят ваъда дод, ки ба онҳо ду мошин битум ёрӣ расонида мешавад.
ПЕШГИРИИ ОҚИБАТҲОИ ТАҒЙИРЁБИИ ИҚЛИМ. Дар Тоҷикистон майдони дарахтони саксавул ва павловния васеъ мегардад
Дар Тоҷикистон шумораи истифодабарандагони интернет 5,2 миллион нафарро ташкил медиҳад
35-СОЛАГИИ ИСТИҚЛОЛИ ДАВЛАТӢ. Соли 2026 дар Хатлон бунёди зиёда аз 1500 иншооти нав ба нақша гирифта шудааст
Байни Тоҷикистон ва Қирғизистон оид ба ҳамкории тиҷоратӣ Ёддошти тафоҳум ба имзо расид
НИШАСТИ МАТБУОТӢ. Соли 2025 ба соҳаҳои иқтисодии Тоҷикистон 57,1 миллиард сомонӣ равона карда шуд
Агентии «Тоҷикстандарт»: «Аз марҳилаи муайяни тамғаи «Нутрилон» ва «Малютка» истифода набаред!»
НИШАСТИ МАТБУОТӢ. Дар Вилояти Мухтори Кӯҳистони Бадахшон 1469 иншооти ҷашнӣ бунёд гардид
Тсзоу Ҷиайи: «Бонки Осиёии Сармоягузориҳои Инфрасохторӣ барномаҳои миллӣ ва минтақавии рушди Тоҷикистонро дастгирӣ менамояд»
Дурнамои ҳамкории Тоҷикистон ва Иттиҳоди Аврупо дар соҳаҳои сармоягузорӣ ва иқтисод баррасӣ гардид
Татбиқи лоиҳаи «Азнавпайвастшавӣ ба низоми ягонаи энергетикии Осиёи Марказӣ» баррасӣ гардид
Ҷаласаи якуми Шурои байниҳукуматии Ҷумҳурии Тоҷикистон ва Ҷумҳурии Қирғизистон баргузор шуд
Дар ҷаласаи Шуро оид ба шарикии давлат ва бахши хусусӣ чор лоиҳаи нав ба маблағи 82,5 миллион сомонӣ баррасӣ шуд
