Ба нуқтаи тиббии Раёсати КҲФ дар Суғд 10 адад дастгоҳи оксигенератор супурда шуд
ДУШАНБЕ, 28.08.2020 /АМИТ «Ховар»/. Ҳайати Созмони умумиҷаҳонии тандурустӣ (СУТ) бо сарварии профессор Александр Семёнов ва мутахассис оид ба бемориҳои сироятии СУТ дар Тоҷикистон Абдулаҳад Сафаров дар Раёсати Кумитаи ҳолатҳои фавқулода ва мудофиаи гражданӣ дар вилояти Суғд ҳолати омодабоши нуқтаи тиббии Раёсат барои қабули ҳайати шахсӣ бо бемориҳои сироятӣ, таъминоти таҷҳизот ва лавозимоти тиббиро санҷида, ба ин марказ 10 адад дастгоҳи оксигенератор супурд. Дар ин бора аз Кумитаи ҳолатҳои фавқулода ва мудофиаи гражданӣ ба АМИТ «Ховар» хабар доданд.
Онҳоро дар ин сафар муовини сардори Раёсати тиббии Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, подполковники хизмати тиббӣ Ҳ. Тоҳиров раҳнамоӣ намуд.
Ҳамзамон дар толори Раёсат бо роҳбарии муовини сардори Раёсати Кумитаи ҳолатҳои фавқулода ва мудофиаи гражданӣ дар вилояти Суғд Анвар Қосимов бо намояндагони Созмони умумиҷаҳонии тандурустӣ мулоқот баргузор шуд.
Зимни он оид ба пешгирии бемории сироятии коронавирус дар байни ҳайати шахсӣ, чорабиниҳое, ки баҳри пешгирии интиқол ва паҳн нагардидани сирояти бемории коронавируси COVID-19 аз ҷониби роҳбарияти Раёсат ба роҳ монда шуда, чорабиниҳои зиддиэпидемикӣ, ки аз ҷониби гурӯҳи безараргардонии Раёсат ва корҳои тарғиботиву ташвиқотӣ дар байни аҳолӣ, ки ҳамарӯза аз ҷониби шахсони масъули Раёсат ташкил ва гузаронида мешаванд, сухан рафт.
Профессор Александр Семёнов миннатдории худро ба роҳбарияти Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ва Раёсати вилоят ҷиҳати корҳои ба сомон расонидашуда дар самти мубориза бар зидди бемории сироятии коронавирус баён намуд.
Дар Тоҷикистон корҳои омодагӣ барои истироҳати тобистонаи кӯдакон ва наврасон оғоз гардид
Дар Вазорати меҳнат, муҳоҷират ва шуғли аҳолии Тоҷикистон татбиқи методологияи таҳлили хавфҳои коррупсионӣ баррасӣ шуд
Ҳайати Тоҷикистон дар ҷаласаи 70-уми Комиссияи Созмони Милали Муттаҳид оид ба мақоми зан иштирок дорад
ГРАНТИ ПРЕЗИДЕНТӢ. Занони хоҳишманд метавонанд лоиҳаҳои грантиро пешниҳод намоянд
Дар Тоҷикистон ҳавои номусоид то 11 март боқӣ мемонад
Эмомалӣ Раҳмон: «Модарон дар тарбияи насли нав масъулияти беназир доранд»
Табиат мекунад моро табобат! Сиёҳалаф дорои витаминҳои табиӣ мебошад
Пешвои миллат: «Занон дар ҳама соҳаҳои рушди Тоҷикистон саҳми арзанда доранд»
Эмомалӣ Раҳмон: «Модарон намунаи ахлоқ ва масъулияти ҷомеа мебошанд»
Эмомалӣ Раҳмон: «Донишмандии зан омили пешрафти тамоми миллат аст»
ЗАН БЕҲТАРИН ВА ОХИРИН ТУҲФАИ ОСМОНӢ АСТ. Гуфтаҳои бузургон дар васфи Зан – Модар
ҲАМДУ САНО БА ЗАН-МОДАР, КИ МУҲАББАТИ Ӯ ИНТИҲО НАДОРАД. Иқтибосҳо аз суханрониҳои Президенти Тоҷикистон Эмомалӣ Раҳмон
