Дар деҳаи Заркамари ноҳияи Файзобод бинои нави таълимӣ ба истифода дода шуд

Август 14, 2020 12:36

ДУШАНБЕ, 14.08.2020 /АМИТ «Ховар»/. Дар арафаи соли  хониши  2020-2021 толибилмони  муассисаи таҳсилоти умумии №26-и деҳаи Заркамари ҷамоати деҳоти Мискинободи ноҳияи Файзободро  туҳфа арзишманде насиб гардид.  Бинои қаблии муассисаи мазкур  дар ҳолати садамавӣ қарор дошт. Соҳибкорони маҳаллӣ Мансур Нурматов ва Абдуҷалил Саидов барои онҳо бинои нави таълимӣ сохтанд, ки 13 август мавриди баҳрабардорӣ қарор гирифт. Акнун хонандагони  ин мактаб дар синфхонаҳои муосир дарс меомӯзанд. Дар ин бора  аз маркази матбуоти Вазорати маориф ва илми Ҷумҳурии Тоҷикистон ба АМИТ «Ховар» хабар доданд.

«Дар маросими кушодашавии бинои нави таълимӣ  муовини Вазири маориф ва илм Нуралӣ Собирзода, раиси ноҳияи Файзобод Миралӣ Раҷабзода, директорон, омўзгорон ва кормандони муассисаҳои таълимии ноҳия  иштирок намуданд»-,афзуд манбаъ.

Дар ҷамъомад  муовини Вазири маориф ва илми Ҷумҳурии Тоҷикистон Нуралӣ Собирзода  аз суханони Пешвои миллат оид ба рушди соҳаи маориф ёдоварӣ намуд. Номбурда, аз ҷумла зикр кард, ки Президенти мамлакат муҳтарам Эмомалӣ Раҳмон пайваста таъкид менамоянд, ки  «Мактаб ҳамчун даргоҳи муқаддас барои ташаккули шахсият дар ҷомеа ва мавқеи устувор пайдо кардани ӯ нақши асосиву ҳалкунанда дорад.Фаромӯш набояд кард, ки ҳар шахс ба ҳар мақому мартабае, ки расида бошад, донишҳои аввалинро аз мактаб ва омӯзгор гирифтааст. Илова ба корҳое, ки давлат дар  самти рушди соҳаи маориф то имрӯз анҷом додааст, ман борҳо шахсонеро, ки шароити хуби молиявӣ доранд, даъват кардам, ки дар зодгоҳи худ муассисаи таълимие бунёд намоянд ё аз рӯи имконият барои таъмири мактабе, ки дар он таҳсил кардаанд, кумаку мусоидати худро дареғ надоранд».

«Амали шоистаи соҳибкорони ноҳияи Файзобод  Мансур Нурматов ва Абдуҷалил Саидов, ки дар сохтани ин бинои таълимӣ саҳм гузоштанд, шоистаи таҳсину пайравӣ мебошад»,-афзуд  Нуралӣ Собирзода .

Сипас  аз ҷониби мақомоти иҷроияи ҳокимияти давлатии ноҳия ба роҳбарияти муассисаи таълимӣ, соҳибкорони маҳаллӣ  ва раисони маҳаллаву ҷамоат ҷиҳати анҷом дордани корҳои созандагиву бунёдкорӣ ва саҳми арзанда гузоштан дар рушди маҳал «Сипоснома» тақдим карда шуд.

Иттилоъ дода шуд, ки бинои таълимӣ иборат аз чор синфхона барои 120 хонанда дар як баст ва аз  утоқи  директор иборат мебошад. Теъдоди хонандагон дар муассисаи  мазкур  441 нафарро ташкил дода, дар он 20 нафар омўзгор ба таълиму тарбия машғул мебошад. Дар муассиса дарсҳо дар ду баст ҷараён мегиранд.

Август 14, 2020 12:36

Хабарҳои дигари ин бахш

ИМРӮЗ-РӮЗИ ҶАҲОНИИ ТЕАТР. Дар давраи соҳибистиқлолӣ дар Тоҷикистон барои пешрафти санъати касбии театрӣ шароити мусоид фароҳам оварда шуд
«САЙРИ ГУЛИ ЛОЛА». Дар Суғд Фестивали вилоятии гулҳо доир мешавад
КОНИ ЛАЗЗАТ ВА ХОНИ НЕЪМАТ. Хабарнигори АМИТ «Ховар» оид ба таомҳои наврӯзӣ дар Бадахшон маълумот ҷамъоварӣ намуд
НАВРӮЗ-МАҲБУБТАРИН ҶАШНИ МИЛЛИИ ТОҶИКОН. Суратгузориш аз таҷлили бошукуҳи ҷашни Наврӯз дар Академияи миллии илмҳои Тоҷикистон
Байни Китобхонаи миллии Тоҷикистон ва Китобхонаи оммавӣ, илмӣ-техникии шуъбаи Академияи илмҳои Русия дар минтақаи Сибир Созишномаи ҳамкорӣ ба имзо расид
Оши бурида дар Наврӯз ҳамчун рамзи умри дароз ва ҳаёти хушбахтона омода мешавад
НАВРӮЗ — ҶАШНИ ЭҲЁ. Ин ҷашни ҷаҳонӣ бунёди маънавии миллати тоҷик мебошад
МАЗМУНҲОИ НАВРӮЗӢ ДАР АШЪОРИ АҲДИ КЛАССИКИИ ФОРСУ ТОҶИК. Андешаҳои адабиётшинос дар хусус
НАВРӮЗ ДАР ЗАРАФШОН. Он бо «тухмҷангак»-и кӯдакон оғоз мегардад
ШАБОҲАТИ ОИНҲОИ НАВРӮЗӢ ДАР ДАВЛАТҲОИ АВРУПО. Наврӯз ҳоло ба ҷузъи тамаддуни башарӣ табдил ёфтааст
«ҲАФТ-СИН» ВА «ҲАФТ-ШИН». Оростани хони наврӯзӣ бо ин рамзҳо нишонаи хайру баракат аст
«САД РАНГИ ЧАКАН». Дар Бӯстон даври шаҳрии озмун баргузор гардид