Хонандагони Суғд дар Озмуни ҷумҳуриявии фосилавии «Тозагӣ — гарави саломатӣ» мақоми аввалро ишғол намуданд
ДУШАНБЕ, 12.08.2020 /АМИТ «Ховар»/. Хонандагони муассисаҳои таълимии вилояти Суғд дар Озмуни ҷумҳуриявии фосилавии «Тозагӣ-гарави саломатӣ» бо гирифтани 11 ҷойи ифтихорӣ мақоми аввалро ишғол намуданд. Дар ин бора аз хадамоти матбуоти Раиси вилояти Суғд ба АМИТ «Ховар» иттилоъ доданд.
Озмуни ҷумҳуриявии фосилавии «Тозагӣ-гарави саломатӣ» бо ташаббуси Вазорати маориф ва илми Ҷумҳурии Тоҷикистон аз 25 июн то 15 июли соли равон барои хонандагони муассисаҳои таҳсилоти умумии ҷумҳурӣ эълон гардида, аз ҷониби Маркази ҷумҳуриявии муасисаҳои таҳсилоти иловагӣ ва Муассисаи давлатии «Телевизиони кӯдакону наврасон- Баҳористон» ҷамъбаст гардид.
Озмуни мазкур бори аввал дар ҷумҳурӣ тариқи фосилавӣ ва дар давраи таътили тобистона гузаронида шуда, мақсад аз баргузории он, пеш аз ҳама, баланд бардоштани сатҳи маърифату фарҳангии хонандагон, тарбияи онҳо дар рӯҳияи ифтихори миллӣ ва ватандӯстӣ, таҳкими мубориза бар зидди бемориҳои сироятӣ, баланд бардоштани маърифати хонандагон вобаста ба гигиенаи шахсӣ ва тарғибу ташвиқи тарзи ҳаёти солим мебошад.
Озмун аз рӯи 4 бахш: «Беҳтарин таманниёт», «Беҳтарин мактуб», «Беҳтарин муроҷиати видеоӣ ё видеоролик» ва «Беҳтарин расм» гузаронида шуд.
Ҳамин тариқ дастаи хонандагони муассисаҳои таълимии вилояти Хатлон бо ишғоли 9 ҷойи ифтихорӣ мақоми 2-юм ва хонандагони болаёқати шаҳри Душанбе бо ишғоли 5 ҷойи ифтихорӣ натиҷаи сеюми беҳтаринро ба даст оварданд.
Хонандагони муассисаҳои таълимии Вилояти Мухтори Кӯҳистони Бадахшон ва шаҳру ноҳияҳои тобеи ҷумҳурӣ 1-ададӣ ҷойҳои ифтихориро ишғол намуданд.
Дар Ҷумҳурии Мардумии Чин Рӯзҳои фарҳанги Ҷумҳурии Тоҷикистон идома дорад
Дар шаҳри Панҷакент Боғи фарҳангию фароғатии ба номи Абулқосим Фирдавсӣ бунёд карда мешавад
«УМРЕ БО МУСИҚӢ». Дар Душанбе ҳамоиши илмӣ баргузор гардид
Ба гиромидошти асосгузори мактаби классикии шеър-мусиқии замони Сомониён Абулаббоси Бахтиёр симпозиуми байналмилалӣ доир шуд
Дар Ҳисор маҳфил-озмуни «Шоҳнома Ватан аст!» оғоз гардид
Директори Хадамоти федералии приставҳои судии Федератсияи Русия бо таъриху тамаддуни тоҷикон шинос шуд
Дар Китобхонаи миллӣ даври аввали озмуни «Фурӯғи субҳи доноӣ китоб аст» баргузор гардид
Дастхатҳои Қалъаи Кӯҳи Муғ ба рӯйхати «Ҳофизаи ҷаҳонӣ»-и ЮНЕСКО дохил шуданд
СОЛИ ФАРҲАНГИ КИТОБХОНӢ. Дар доираи он дар вилояти Хатлон конференсияи илмӣ-амалӣ баргузор шуд
Байни Академияи миллии илмҳои Тоҷикистон, Бойгонии апостолии Ватикан ва Китобхонаи апостолии Ватикан Ёддошти тафоҳум ба имзо расид
Осорхонаҳои миллии Тоҷикистон ва Беларус ҳамкории осорхонавиро густариш медиҳанд
«НАКҲАТИ БАҲОР». Таҳти ин унвон намоиши асарҳои эҷодӣ ифтитоҳ ёфт
