Соҳибкор дар шаҳри Хоруғ барои кӯдакон ҳавзи оббозӣ бунёд кард
ХОРУҒ, 14.08.2020 /АМИТ «Ховар»/. Соҳибкори маҳаллӣ аз шаҳри Хоруғ Меликшо Азизов барои кӯдакону наврасони шаҳри Хоруғ каме болотар аз хонаи худ ҳавзи оббозӣ бунёд кардааст.
Дарозии ин ҳавз 8 метр буда, паҳноии он панҷ ва чуқурияш 2 метр аст. Обро ба ин ҳавз ба воситаи қубур аз чашмаи кӯҳӣ овардааст. Меликшо Азизов гуфт, ки «аксарияти кӯдакону наврасони шаҳр ва аз ҷумла, ҳамсоягону фарзандони ман ҳам дар рӯзҳои гарми тобистон барои оббозӣ ба лаби дарёҳои Ғунду Панҷ мераванд ва ҷоеро интихоб мекунанд, ки аз назари калонсолон пинҳон аст. Ин басо хатарнок аст. Аз ин рӯ ман қарор додам бо истифода аз оби чашмаи кӯҳӣ каме дуртар аз хонаам ҳавз бисозам. Як ҳафта пеш онро ба итмом расондам ва ҳоло кӯдакон аз маҳаллаҳои гуногун барои оббозӣ ба ин ҳавз меоянд».
Дар назди ҳавз ҳамарӯза як ё ду нафар аз ҷавонони ин маҳал ҳам навбатдорӣ мекунанд ва ҳам ба кӯдакон усулҳои шиноварӣ меомӯзанд. Кӯдаконе, ки шиноварӣ карда наметавонанд, танҳо бо камзӯлҳои резинӣ, ки намегузоранд кӯдакон зери об раванд, роҳ дода мешаванд.
Меликшо Азизов гуфт, ки «ҳоло ҳатто баъзе аз кормандони идораву муассисаҳои шаҳрӣ хоҳиш кардаанд, ки барои истироҳат ва оббозӣ чанд соат ин ҳавзро дар ихтиёрашон гузорем. Имрӯз чунин дархостро аз кормандони ширкати «Помирэнерҷӣ» дарёфт кардам. Ин ҳавз дар мобайни боғ, дар як ҷои хилвату хушманзара ва аз назари мардум дур ҷойгир аст. Аз ин рӯ духтарон низ имконият доранд дар он бемалол истироҳат ва ё оббозӣ кунанд».
Дар Душанбе доир ба беҳтар гардонидани сифати ғизо ҳамоиш доир шуд
Дар Хатлон таҳти унвони «Чил рӯзи ҳаёти кӯдакон» силсилаҳамоишҳо доир мегарданд
Сарвазири мамлакат Қоҳир Расулзода дар ноҳияи Рашт бо рафти корҳои бартарафсозии оқибатҳои заминларза шинос шуд
Дар Душанбе бахшида ба Рӯзи пойтахт барномаи фарҳангӣ-сиёсии аъзои ҳизб доир гардид
«ЗАМИН — ГАНҶИНАИ ХАЙРУ САХОВАТ». Дар Бохтар бахшида ба Рӯзи умумиҷаҳонии замин ва Соли ҳифзи пиряхҳо ҳамоиш баргузор гардид
Дар Академияи миллии илмҳои Тоҷикистон таҳти унвони «Душанбе-сарзамини тахти воло» ҳамоиши илмӣ доир шуд
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
«МАДАНИЯТИ ШАҲРДОРӢ». Дар Хатлон амалиёти пешгирии фурӯши ғайрисанитарии маҳсулоти хӯрокворӣ оғоз гардид
Сокинони вилояти Суғд ба мардуми аз офати табиӣ зарардидаи Рашт ва Тоҷикобод кумак расониданд
Мардуми саховатпешаю савобҷӯ даъват шуданд, ки маблағҳои сафари ҳаҷро ба зарардидагони заминларзаи Рашту Тоҷикобод низ равона созанд
«ОИЛАИ БЕҲТАРИН». Бо мақсади гиромидошти арзишҳои оиладорӣ озмуни ҷумҳуриявӣ доир мегардад
Дар ноҳияи Ҷалолиддини Балхӣ шумораи ақди никоҳ зиёд ва бекоршавии он коҳиш ёфтааст
