«Акиа Авесто Автоматив Индастри»-и Тоҷикистон 9 автобуси 8-метра ба фурӯш мебарорад
ДУШАНБЕ, 28.09.2020 /АМИТ «Ховар»/. Ширкати «Мерседес Бенс» иттилоъ додааст, ки баъди ба эътидол омадани вазъи паҳншавии коронавирус дар ҷаҳон ва пурра кушода шудани сарҳадҳо ба ширкати «Акиа» муҳаррики автобусҳои 8-метра равона месозад. Баъди равона кардани муҳаррикҳо корхонаи муштараки «Акиа Авесто Автоматив Индастри»-и Ҷумҳурии Тоҷикистон 9 автобуси 8-метраро ҷамъу васл намуда, ба фурӯш мебарорад. Ин хушхабар дар ҳолест, ки дирӯз, якшанбеи охири моҳи сентябр дар ҷумҳурӣ Рӯзи кормандони соҳаи мошинсозӣ таҷлил гардид.
Тавре ба хабарнигори АМИТ «Ховар» Мавҷуда АНВАРӢ аз Вазорати саноат ва технологияҳои нави Ҷумҳурии Тоҷикистон иттилоъ доданд, муҳаррики автобусҳо аз тарафи ширкати германии «Мерседес Бенс» аввалан ба ширкати «Акиа»-и Ҷумҳурии Туркия таҳвил дода шуда, баъдан ба ҶДММ «Акиа Авесто Автоматив Индастри» равона карда мешаванд.
Корхонаи мазкур аз оғози фаъолият 300 автобус ва соли 2019 148 автобусро ба маблағи 141,7 млн. сомонӣ ҷамъу васл намуда, ба фурӯш баровардааст. Дар айни замон нархи як адад автобуси тамғаи АКИА-и истеҳсоли Ҷумҳурии Тоҷикистон 132 ҳазор евро мебошад.
Дар 8 моҳи соли 2020 корхонаи ҶСП «Агротехсервис»-и шаҳри Ҳисор, ки бо ворид намудани қисмҳои эҳтиётӣ ба ҷамъу васли тракторҳо ва мошинолоти истеҳсоли Беларус машғул мебошад, ба маблағи 9,4 млн сомонӣ маҳсулот истеҳсол намуда, 4 трактор ва 6 ядак ба Ҷумҳурии Ӯзбекистон содирот намуд. Масъулон нақша доранд, ки дар оянда ба кишварҳои ҳамсояи Ҷумҳурии Исломии Афғонистон низ тракторҳо ва дигар таҷҳизоти кишоварзии дар ин корхона истеҳсолшавандаро содирот намоянд. Аз ин хотир яке аз хатҳои васлу насби техникаҳои кишоварзӣ ба содирот нигаронида шудааст.
Иқтидори истеҳсолии солонаи корхона 1700 трактор ва мошинолоти кишоварзӣ мебошад.
Ёдовар мешавем, ки марҳилаи аввали ин корхона моҳи майи соли 2018 бо иштироки сарони давлатҳо-Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Беларус Александр Лукашенко мавриди баҳрабардорӣ қарор дода шуда, он дар як сол имкони васлу насби 620 трактори гуногунтамға ва дигар таҷҳизоти соҳаи кишоварзиро дорад.
Рӯзи мошинсозон иди касбии коргарон ва муҳандисони соҳаи мошинсозӣ буда, саноати мошинсозӣ як бахши бузург ва асосии иқтисодиёти кишварҳои пешрафта маҳсуб мешавад.
Акс аз бойгонӣ
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
