Дар Душанбе машварати кории гурӯҳҳои дӯстии Тоҷикистон ва Ӯзбекистон баргузор гардид
ДУШАНБЕ, 21.09.2020 /АМИТ «Ховар»/. Имрӯз дар Маҷлиси намояндагон нишасти машваратии ҳайати байнипарлумонии Маҷлиси намояндагони Маҷлиси Олии Ҷумҳурии Тоҷикистон ва Олий Маҷлиси Ҷумҳурии Ӯзбекистон- гурӯҳҳои дӯстӣ баргузор гардид. Дар нишасти машваратӣ муҳимтарин масъалаҳои байнидавлатию ҳамкории байнипарлумонӣ миёни Тоҷикистон ва Ӯзбекистон муҳокима шуда, ҷонибҳо ба рушди муносибатҳои тарафайн таъкид намуданд. Дар ин бора котиби матбуоти Маҷлиси намояндагон Муҳаммадато Султонов ба хабарнигори АМИТ «Ховар» иттилоъ дод.
Муовини Раиси Маҷлиси намояндагони Маҷлиси Олии Ҷумҳурии Тоҷикистон Дилрабо Мансурӣ дар раванди гуфтугӯи тарафҳо таъкид намуд, ки «муносибатҳои ду давлати ҳамҷавор дар марҳилаи кӯтоҳи таърихӣ дар тамоми самтҳо рушди густурда пайдо намуда, ба шарикии стратегӣ мубаддал гардиданд, ки аз иродаи қавии роҳбарони сиёсии ду давлат шаҳодат медиҳанд».
Муовини раиси Палатаи қонунгузории Олий Маҷлиси Ҷумҳурии Ӯзбекистон Улуғбек Иноятов раванди ҳамкории тарафайнро неку дурандешона номида, рушди муносибатҳоро барои ҳарду давлат муҳим ва манфиатбор арзёбӣ намуд.
Дар ҳамоиши гурӯҳҳои дӯстии байнипарлумонӣ 4 масъала: дар бораи дурнамои ҳамкории минбаъдаи байнипарлумонии Ҷумҳурии Тоҷикистон ва Ҷумҳурии Ӯзбекистон; дар бораи вазъи иҷрои шартҳои дар Ёддошти соли 2019 байни палатаҳои поёнии ду давлат баимзорасонидашуда ва муайян намудани вазифаҳои минбаъда; ҳолат ва дурнамои ҳамкории дуҷониба дар соҳаҳои тиҷорату иқтисод, фарҳангию гуманитарӣ, инчунин таҳкими робитаҳои ҳасанаи байниминтақавӣ ва рушди ҳамкорӣ дар доираи созмонҳои байналмилалии парлумонӣ — АБП ИДМ, АП САҲА мавриди муҳокимаи тарафҳо қарор гирифт.
Худи ҳамин рӯз меҳмонони ҷониби Ӯзбекистон аз Осорхонаи миллии Тоҷикистон, толори таърихӣ ва толори иҷлосияҳои Маҷлиси намояндагон дидан намуданд.
Ҷаласаи Шурои коршиносию машваратии назди Шурои Ассамблеяи парламентии СААД баргузор гардид
Намояндагони парлумонҳои Осиёи Марказӣ масъалаҳои таъмини амнияти об, иқлим ва ҳифзи муҳити зистро баррасӣ карданд
Дар доираи Форуми чоруми байнипарлумонӣ ҷаласаи «Ҳамгироии иқтисодӣ, рушди устувор ва тавсеаи шарикии минтақавӣ» баргузор гардид
Рустами Эмомалӣ бо Раиси Курултайи Ҷумҳурии Қазоқистон Айбек Дадебай мулоқот намуданд
Дар Тоҷикистон Форуми чоруми байнипарламентии давлатҳои Осиёи Марказӣ баргузор гардид
Имрӯз дар Душанбе Форуми чоруми байнипарламентии давлатҳои Осиёи Марказӣ баргузор мешавад
Роҳбарони парламентҳои давлатҳои Осиёи Марказӣ бо шоҳкориҳои Театри миллии Тоҷикистон шинос шуданд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Раиси Маҷлиси Туркманистон Дунягозел Гулманова мулоқот намуданд
Файзалӣ Идизода бо Раиси Маҷлиси Туркманистон Дунёгузел Гулманова вохӯрӣ намуд
Ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Пешниҳодҳои Тоҷикистон дар ҷаласаи Комиссияи доимии Ассамблеяи байнипарламентии давлатҳои иштирокдори ИДМ дастгирӣ ёфтанд
Вакили Маҷлиси намояндагон дар ҷаласаи Комиссияи доимии Ассамблеяи байнипарлумонии давлатҳои ИДМ иштирок намуд
