Дар Ёвон ҳамоиши ҷавононе, ки ихтиёрӣ азми хизмат ба Ватан кардаанд, доир гардид

Сентябрь 25, 2020 08:17

ЁВОН, 25.09.2020. /АМИТ «Ховар»/.  Дар саҳни Кохи фарҳанги ноҳияи Ёвон бо иштироки 140 нафар ҷавононе, ки ихтиёран ба сафи Қувваҳои Мусаллаҳи Ҷумҳурии Тоҷикистон пайвастан мехоҳанд, таҳти унвони «Хизмат ба Ватан шараф аст!» ҳамоиши  калони тарғиботӣ-маърифатӣ доир гардид. Дар он инчунин донишҷӯёни коллеҷҳои тиббӣ ва технологӣ-фармасевтӣ, литсейҳои касбии техникӣ, хонандагони синфҳои болоии муассисаҳои таҳсилоти умумӣ,  падару модарон ва сокинони ноҳия иштирок намуданд. Дар ин бора аз шуъбаи рушди иҷтимоӣ ва робита бо ҷомеаи ноҳияи Ёвон ба хабарнигори АМИТ «Ховар» иттилоъ доданд.

Дар ҳамоиш ҷавонони  фаъол иброз намуданд, ки “Ватан макони поку муқаддасест, ки моро дар оғӯши гарму пурмеҳраш ба воя мерасонад ва мо дар фазои орому осудаи он хотирҷамъона кору зиндагӣ мекунем. Аз ин рӯ моро зарур аст, ки ба Ватани худ содиқ бимонем ва муҳофизати онро барои худ шаъну шараф бидонем”.

Имсол бо саҳми мақомоти иҷроияи ҳокимияти давлатии ноҳияи Ёвон қариб 200 нафар ҷавонон пеш аз хизмати ҳарбӣ дар курсҳои кӯтоҳмуддати назди Ташкилоти ҷамъиятии мададгори мудофиа ва шуъбаи шуғли аҳолии ноҳия таҳсил намуда, соҳибкасб шуда истодаанд. Чунин ташаббускорӣ сабаб гардидааст, ки имсол шумораи онҳое, ки бо хоҳиши худ ба сафи Артиши миллӣ шомил шудан мехоҳанд, нисбат ба солҳои пешин ба маротиб афзоиш ёбад.

Зимни ҳамоиш раиси Шӯрои собиқадорони ҷанг ва меҳнати ноҳия Қутбиддин Сафархолов, собиқадори соҳаи мудофиа Насрулло Содиқов, сарбозони қисми низомии 6593, даъватшавандаҳо ва ҷавонони фаъоли ноҳия сухан гуфта, хизмат ба Ватанро барои ҳар  ҷавон мояи шараф ва ифтихори беандоза маънидод карданд.

Сентябрь 25, 2020 08:17

Хабарҳои дигари ин бахш

Соли равон дар вилояти Суғд таъмир ва сохтмони беш аз 100 муассисаи тандурустӣ ба нақша гирифта шудааст
Дар Душанбе Форуми ёздаҳуми миллӣ оид ба волоияти қонун баргузор мешавад
Дар Тоҷикистон дар нуҳ моҳ гирифторӣ ба бемориҳои шадиди рӯда зиёд шудааст
26 ОКТЯБР-РӮЗИ КОРМАНДОНИ МАҚОМОТИ СУДӢ. Онҳо дар таҳкими қонуният ва ҳифзи ҳуқуқу озодиҳои инсон нақши муҳим доранд
Дар Душанбе оид ба риояи дурусти қоидаҳои бехатарӣ ҳангоми заминларза корҳои фаҳмондадиҳӣ гузаронида шуданд
Ба муносибати Рӯзи Конститутсияи Ҷумҳурии Тоҷикистон конференсияи илмӣ-амалӣ доир гардид
Дар Маркази касбомӯзӣ ва хизматрасонии ноҳияи Восеъ аз рӯи 5 ихтисос мутахассисон омода карда мешаванд
24 ОКТЯБР — РӮЗИ ИТТИФОҚҲОИ КАСАБА. Нақши он дар ҳимояти ҳуқуқ ва манфиатҳои иҷтимоию иқтисодии кормандон назаррас аст
Дар ноҳияи Шоҳмансур вобаста ба пешгирии ҳолатҳои фавқулода корҳои фаҳмондадиҳӣ гузаронида шуданд
Дар маркази ноҳияи Данғара бунёди 315 бинои истиқоматии аз 9 то 16 ошёна ба нақша гирифта шудааст
Бахшида ба Рӯзи иттифоқҳои касабаи Тоҷикистон ҳамоиши фарҳангӣ доир карда шуд
Дар қаламрави Тоҷикистон заминларза ба амал омад