Дастаи футболи «Моҳир»-и Ёвон дар Лигаи якуми Тоҷикистон бозӣ мекунад

Сентябрь 26, 2020 09:10

ЁВОН, 26.09.2020. /АМИТ «Ховар»/.  Дастаи футболи «Моҳир»-и ноҳияи Ёвон дар мавсими соли гузашта миёни дастаҳои Лигаи 2-юми вилояти Хатлон соҳиби ҷойи якум гашта, имсол дар Лигаи якуми футболи Тоҷикистон бозӣ мекунад. Бо вуҷуди он ки сатҳи бозиҳо дар Лигаи якум баландтар ва талабот ба бозингарон ҷиддитар аст, аъзои дастаи «Моҳир» таҷрибаи худро тадриҷан бой намуда, ҳамчун бозингарони касбӣ зина ба зина боло мераванд.

Тибқи иттилои  масъулини Ҳукумати ноҳияи Ёвон, раиси ноҳия  Ҷамшед Саидзода дар вохӯрӣ бо  роҳбарон ва аъзои Клуби футболи «Моҳир» изҳор намуд, ки «мақомоти иҷроияи ҳокимияти давлатии ноҳия пайваста аз вазъи иқтисодии даста ва ҳолати рӯҳии аъзои он бохабар шуда, кӯшиш ба харҷ медиҳад, ки баҳри пешравии фаъолияти онҳо мусоидат намояд. Роҳбарон ва аъзои даста дар сурати пайдо шудани зарурат метавонанд ба дастгирии мо умедвор бошанд».

Директори Клуби футболи «Моҳир» Хусрав Бобобеков ва сармураббии даста Сиёвуш Боев аз номи роҳбарону аъзои даста ба раиси ноҳия барои таваҷҷуҳ ва дастгириҳо изҳори миннатдорӣ карда, ба нишони эҳтирому қадрдонӣ ба раиси ноҳия Нишони сарисинагии Клуби футболи «Моҳир» ва як ҷуфт либоси варзишӣ тақдим намуданд.

Умед аст, ки дастаи «Моҳир» дар бозиҳои боқимондаи мавсими имсола хотири мухлисонашро болида мегардонад.

Сентябрь 26, 2020 09:10

Хабарҳои дигари ин бахш

ҶОМИ ОСИЁ-2025. Имрӯз дастаи наврасони Тоҷикистон (U-17) дар даври аввал бо мунтахаби Уммон бозӣ мекунад
Барои дарёфти «Ҷоми Раиси шаҳри Душанбе» Мусобиқаи байналмилалии гӯштингирӣ баргузор мегардад
ҶОМИ ОСИЁ-2025. Дастаи мунтахаби наврасони Тоҷикистон (U-17) дар Ҷидда тамринҳои навбатӣ баргузор намуд
Дар Чемпионати Осиё оид ба ҷудо Тоҷикистонро 13 варзишгар муаррифӣ менамояд
Ғолибони шоҳҷоизаҳои Мусобиқаи гӯштини миллӣ дар ноҳияи Темурмалик муайян шуданд
Душанбе мизбони Форуми Шурои олимпии Осиё ва ҳамбастагии олимпӣ мегардад
Дар Душанбе Ҷоми ҷаҳон оид ба велосипедронии кӯҳӣ баргузор мегардад
Абдулло Давлатов бозиҳои қисми ниҳоии Ҷоми Осиё-2025-ро доварӣ менамояд
Дастаи мунтахаби наврасони Тоҷикистон (U-17) панҷ бозии санҷишӣ анҷом дод
ЧЕМПИОНАТИ ТОҶИКИСТОН. Бозиҳои даври сеюми дастаҳои Лигаи олӣ оид ба футбол оғоз мегарданд
Рақибони дастаи мунтахаби занонаи Тоҷикистон оид ба футбол дар марҳилаи интихобии Ҷоми Осиё-2026 муайян шуданд
Ғолибони Мусобиқаи байналмилалии гӯштингирӣ дар шаҳри Истаравшан муайян шуданд