Хоҷагии манзилию коммуналии Хоруғ соҳиби техникаву механизмҳои муосир гардид
ХОРУҒ, 17.09.2020 /АМИТ «Ховар»/. Дар заминаи ҳамкории судманди Ҳукумати Ҷумҳурии Тоҷикистон бо шарикони рушд дар доираи «Амалисозии лоиҳаи идоракунии партовҳои сахти маишӣ» барои Корхонаи давлатии фаръии хоҷагии манзилию коммуналии шаҳри Хоруғ техникаву механизмҳои махсус, аз ҷумла булдозери пуриқтидор, боркунаки фронталӣ ва мошинҳои ахлотбарӣ дастрас карда шуд. Маблағи умумии техникаву механизмҳо 190 ҳазору 300 доллари амрикоиро ташкил медиҳад.
Сармуҳандиси корхонаи мазкур Наврӯз Хусравбеков ба хабарнигори минтақавии АМИТ «Ховар» гуфт, ки дар доираи ҳамин лоиҳа дар баробари кумаки техникӣ ҳамчунин бинои дуошёна барои кормандони корхона, сарой барои техникаву механизмҳо ва анборхона барои нигоҳдории маводи зиддилағзиш, сӯзишворӣ, қисмҳои эҳтиётӣ ва амсоли инҳо бунёд мегардад.
Ҳамзамон дар маҳаллаҳои шаҳр 100 қуттӣ барои партови сахти маишӣ ва моеъ гузошта мешавад. Навсозии партовгоҳи умумӣ низ аз амалҳоест, ки дар доираи татбиқи ҳамин лоиҳа пешбинӣ гардидааст. Ин партовгоҳ замоне интихоб шуд, ки шаҳри Хоруғ танҳо 19 ҳазор аҳолӣ дошт. Ҳоло нуфузи шаҳр як баробар афзудаю зарур аст масоҳати партовгоҳ васеъ гардад.
Барои анҷом додани ин корҳо Бонки таҷдид ва рушди Аврупо 4 миллион евро ҷудо намудааст, ки 2 миллиони он қарзи имтиёзнок ва ду миллиони дигар маблағи бебозгашт (грант) мебошад.
Дар Тоҷикистон филиали Беморхонаи рақами 1-и шаҳри Урумчии Ҷумҳурии Мардумии Чин бунёд мешавад
«КОРВОНИ САЛОМАТӢ». Ба сокинони Вилояти Мухтори Кӯҳистони Бадахшон хизмати ройгони тиббӣ расонида мешавад
«ҲУНАР ОМӮЗ…». Дар Душанбе даври ниҳоии озмуни ҷумҳуриявӣ доир мешавад
Ҷамолиддин Абдуллозода дар Форуми шашуми тандурустии байни кишварҳои аъзои Созмони ҳамкории Шанхай иштирок намуд
Агентии обуҳавошиносӣ: «Ҳавои моҳи июли имсола ба соли 2014 монанд мебошад»
Аз 1 июл дар Тоҷикистон андозаи нафақаҳои суғуртавӣ, меҳнатӣ ва иҷтимоӣ дар ҳаҷми 30 фоиз зиёд карда мешавад
Маоши вазифавии кормандони муассисаҳои соҳаи маориф, тандурустӣ, ҳифзи иҷтимоӣ ва фарҳанг ба андозаи 40 фоиз зиёд мегардад
Эмомалӣ Раҳмон: «Тавоноии миллату давлат бо устувориву пойдории мавҷудияти ваҳдати миллӣ ва сулҳу субот пайванди ногусастанӣ дорад»
Вазири тандурустӣ ва ҳифзи иҷтимоии аҳолии Тоҷикистон дар шаҳри Урумчии Чин бо донишҷӯёни тоҷик вохӯрӣ анҷом дод
«МО БО ШУМО ИФТИХОР МЕКУНЕМ!». Таҳти чунин унвон ҳайати гурӯҳи кории Кумитаи кор бо ҷавонон ва варзиш бо афсарону сарбозон вохӯрӣ намуд
Қабул шудани Қонуни Ҷумҳурии Тоҷикистон «Дар бораи масъулият барои таълиму тарбияи кӯдак» иқдоми зарурӣ ба саривақтӣ мебошад
Сарвари давлат: «Қаҳрамони сулҳу субот ва ваҳдати миллӣ танҳо мардуми шарифу сарбаланди Тоҷикистон мебошанд»
