ИНТИХОБОТ-2020: Номзадҳо ба мансаби Президенти Ҷумҳурии Тоҷикистон ба қайд гирифта шуданд

Сентябрь 13, 2020 15:51

ДУШАНБЕ, 13.09.2020. /АМИТ «Ховар»/. Имрӯз таҳти роҳбарии Раиси Комиссияи марказии интихобот ва раъйпурсии Ҷумҳурии  Тоҷикистон /КМИР/ Бахтиёр Худоёрзода ҷаласаи навбатии Комиссия баргузор гардид, ки дар он масъалаҳои марбут ба ташкил ва гузаронидани интихоботи Президенти Ҷумҳурии Тоҷикистон, ки 11 октябри соли 2020 таъйин гардидааст, мавриди баррасӣ қарор гирифтанд.

Тавре хабарнигори АМИТ «Ховар» София Шоик иттилоъ медиҳад, дар ҷаласа масъалаҳои бақайдгирии номзадҳо ба мансаби Президенти Ҷумҳурии Тоҷикистон низ муҳокима гардид.

Мувофиқи моддаи 24-и Қонуни конститутсионии Ҷумҳурии Тоҷикистон «Дар бораи интихоботи Президенти Ҷумҳурии Тоҷикистон» ба Комиссияи марказӣ қарорҳои дахлдор дар бораи пешбарии номзадҳо аз ҷониби Ҳизби Аграрии Тоҷикистон, Ҳизби Сотсиалистии Тоҷикистон, Ҳизби Ислоҳоти Иқтисодии Тоҷикистон, Федератсияи Иттифоқҳои қасабаи мустақили Тоҷикистон, Иттифоқи ҷавонони Тоҷикистон, Ҳизби Халқии Демократии Тоҷикистон, Ҳизби Коммунистии Тоҷикистон ва Ҳизби Демократи Тоҷикистон барои маълумот ворид гардида буданд.

Ба ҳолати 10 сентябри соли равон мувофиқи моддаи 25-и Қонуни конститутсионии Ҷумҳурии Тоҷикистон «Дар бораи интихоботи Президенти Ҷумҳурии Тоҷикистон» барои баррасӣ ва бақайдгирии номзадҳо ба Комиссияи марказӣ ҳуҷҷатҳои дахлдор аз ҷониби Ҳизби Аграрии Тоҷикистон, Ҳизби Сотсиалистии Тоҷикистон, Федератсияи иттифоқҳои касабаи мустақили Тоҷикистон, Иттифоқи ҷавонони Тоҷикистон, Ҳизби Халқии Демократии Тоҷикистон, Ҳизби Ислоҳоти Иқтисодии Тоҷикистон ва Ҳизби Коммунистии Тоҷикистон ворид гардиданд.

Комиссияи марказӣ ҳуҷҷатҳои воридгардидаи номзадҳоро мувофиқи талаботи Конститутсия ва Қонуни конститутсионии болозикр мавриди омӯзиш қарор дода, номзадҳои ба мансаби Президенти Ҷумҳурии Тоҷикистон, аз ҷумла Рустам Латифзода аз ҷониби Ҳизби Аграрии Тоҷикистон, Абдуҳалим Ғаффорзода аз ҷониби Ҳизби Сотсиалистии Тоҷикистон, Эмомалӣ Раҳмон аз ҷониби Федератсияи иттифоқҳои касабаи мустақили Тоҷикистон, Иттифоқи ҷавонони Тоҷикистон ва Ҳизби Халқии Демократии Тоҷикистон, Рустам Раҳматзода аз ҷониби Ҳизби Ислоҳоти Иқтисодии Тоҷикистон ва Мироҷ Абдуллоев аз ҷониби Ҳизби Коммунистии Тоҷикистон пешбарӣ гардидаро ба қайд гирифт.

Корҳои ташкилӣ барои гузаронидани интихоботи Президенти Ҷумҳурии Тоҷикистон идома доранд.

 

АКС аз бойгонӣ

Сентябрь 13, 2020 15:51

Хабарҳои дигари ин бахш

Роҳбарияти Кумитаи телевизион ва радио ва АМИТ «Ховар» бо ҳайати нозирони САҲА мулоқот намуданд
Деҳоти дурдасти Бадахшон низ ба интихоботи Президенти Ҷумҳурии Тоҷикистон омода мебошанд
КМИР иштироки ВАО-и хориҷӣ ва маҳаллиро дар интихоботи Президенти Тоҷикистон бо тартиби махсус муайян намудааст
ТАВАҶҶУҲ! Ситоди ҷумҳуриявӣ дар бораи парвозҳои иловагии чартерӣ аз Россия тавассути ширкати ҳавопаймоии «Сомон Эйр» қарор қабул намуд
103 участкаи интихоботии ҳавзаи интихоботии Ҳисор, №15 ба интихобот пурра тайёранд
COVID-19. Дар Тоҷикистон шумораи гирифторони коронавируси нав ба 10097 нафар расид
Умед Бобозода бо ҳайати нозирони Дафтари ниҳодҳои демократӣ ва ҳуқуқи инсони САҲА мулоқот намуд
ЭҲЁИ КОЛХОЗҲО, БОЛО БУРДАНИ СИННИ НАФАҚАИ ЗАНОНИ САРВАР… Ин ва дигар нуктаҳои барномаи пешазинтихоботии номзад ба мансаби президентӣ Мироҷ Абдуллоев
Рустам Латифзода дар сурати пирӯз гардидан дар интихоботи президентӣ кишоварзонро аз андоз озод намуда, Тоҷикистонро ба Иттиҳоди гумрукӣ ҳамроҳ месозад
НАФАҚАИ БАЛАНД, МЕТРО ДАР ДУШАНБЕ, ҒИЗОИ КӮДАКОН. Абдуҳалим Ғаффоров, номзад аз Ҳизби сотсиалистии Тоҷикистон, дар барномаи пешазинтихоботии худ чунин ваъда додааст
ПЕШВОИ МИЛЛАТ ЭҲТИРОМ ВА ҚАДРДОНИИ ХАЛҚРО СОҲИБАНД. Андешаҳои раиси Шӯрои собиқадорони ҲХДТ доир ба нақши Эмомалӣ Раҳмон дар рушди устувори Тоҷикистон
Рустам Раҳматзода, номзад ба мансаби Президенти Ҷумҳурии Тоҷикистон: «Ҷавононро бо манзил таъмин ва масъалаҳои гендериро ҳал мекунам»