ШАРАФ БА ПЕШВОИ МИЛЛАТ — МУТТАКО ВА ПАРАСТОРИ ҶАВОНОНИ МАМЛАКАТ! Изҳороти ҷавонону варзишгарони шаҳру ноҳияҳои тобеи ҷумҳурӣ

Сентябрь 10, 2020 11:05

ДУШАНБЕ, 10.09.2020 /АМИТ «Ховар»/. Мо, ҷавонону варзишгарони шаҳру ноҳияҳои тобеи ҷумҳурӣ бо эҳсоси баланди ватандӯстиву хештаншиносӣ изҳор медорем, ки номзади пешбаринамудаи Иттифоқҳои касабаи мустақили Тоҷикистон, Иттифоқи ҷавонони Тоҷикистон ва Ҳизби Халқии Демократии Тоҷикистон — Асосгузори сулҳу ваҳдати миллӣ — Пешвои миллат муҳтарам Эмомалӣ Раҳмонро ба мансаби Президенти Ҷумҳурии Тоҷикистон дар интихоботи навбатии Президенти Ҷумҳурии Тоҷикистон якдилона ва ҳамаҷониба дастгирӣ менамоем. 

Чунин омадааст дар изҳороти ҷавонону варзишгарони шаҳру ноҳияҳои тобеи ҷумҳурӣ дар робита ба ҷонибдорӣ аз номзади пешбаринамудаи ИКМТ, ИҶТ ва ҲХДТ — Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон ба мансаби Президенти Ҷумҳурии Тоҷикистон, ки имрӯз ба АМИТ «Ховар» ворид шуд.

Дар зер матни пурраи изҳорот пешниҳод мешавад.

«Мо, ҷавонони даврони истиқлол, идомабахшандаи насли бузургу озодандеш, бо эҳсоси ватандориву ватанпарварӣ, дар сарҷамъиву муттаҳидӣ бо як овоз иброз медорем, ки истиқлолият — падидаи барҷастаи таърихию фарҳангӣ, рамзи асолату ҳувият, бақои ҳастии миллат ва бахусус барои мо, ҷавонон шараф, номус, бузургдошти таъриху тамаддун, забону фарҳанг ва ҳастию тоҷи сари мост.

Маҳз бо заҳмату талошҳои пайгиронаи Пешвои сарсупурдаи миллат, муҳтарам Эмомалӣ Раҳмон миллати тоҷик баъд аз ҳазор сол дар роҳи давлатдории миллӣ истиқлолият ба даст оварда, онро таҳким бахшид ва ба дастовардҳои бузурги таърихӣ ноил гардида, имрӯз ба сӯи ояндаи нек устуворона қадам мегузорад.

Мо, ҷавонони шаҳру ноҳияҳои тобеи ҷумҳурӣ дар шароити ҷаҳонишавӣ дар пайравӣ аз сиёсати созандаи Пешвои муаззами миллат хотираи неки миллатамонро гиромӣ медорем, арзишҳои ахлоқиву маънавии худро аз нав эҳё менамоем.

Мо, фарзандони бонанги ин миллати овозадор истиқлолиятро чун асоси хушбахтии хеш пеша намуда, шукри бепоён мекунем, ки тоҷик ҳастему Тоҷикистони соҳибистиқлол меҳани аҷдодии ҳар яки мост ва мо пайрави асили Пешвои миллатем.

Дар ҳошияи хизматҳои беназиру шоистаи Пешвои муаззами миллат дар роҳи саодату таҳкими истиқлолияти давлатӣ, мо, ҷавонони созанда ҳар сангу хасу хори ин давлати биҳиштосоро ҳифз менамоем, чун пайвандгари наслҳо тамаддуни ҷаҳонсоз, дастовардҳои даврони соҳибистиқлолии Тоҷикистони азизро ҳамарзиш бо ҷисму ҷони хеш дониста, онро бо тамоми асолату покизагиаш барои наслҳои оянда нигоҳ медорем ва барои бо ҳарфҳои зарину дурахшон сабт гардидани роҳи бузургу пуршарафи Пешвои муаззами миллат ҷаҳду талош менамоем.

Мо, ҷавонони саодатманди диёр бо шукргузорӣ аз чунин фазои ободу озод, аз ин хоки сарзамини биҳиштосо  барои боз ҳам ободу зебо ва рушду пешрафт намудани Тоҷикистони соҳибистиқлол эҳтиромона аз номи тамоми ҷавонону варзишгарони шаҳру ноҳияҳои тобеи ҷумҳурӣ номзади пешбаринамудаи Иттифоқҳои касабаи мустақили Тоҷикистон, Иттифоқи ҷавонони Тоҷикистон ва Ҳизби Халқии Демократии Тоҷикистон — Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмонро барои иштирок дар интихоботи навбатии дар пешистода ҳамчун номзади арзандаву беназир дастгирӣ менамоем.

Шараф ба Пешвои миллат –  муттако ва парастори ҷавонону варзишгарони  мамлакат!».

Сентябрь 10, 2020 11:05

Хабарҳои дигари ин бахш

COVID-19. Дар Тоҷикистон шумораи гирифторони коронавируси нав ба 10297 нафар расид
COVID-19. Дар Тоҷикистон 88,7%-и гирифторони коронавируси нав шифо ёфтанд
Олег Белоконев: «Интихоботи Президент шаффофу рақобатпазир буда, иродаи озодонаи интихобкунандагони Тоҷикистонро ифода намуд»
Миссияи мушоҳидони СҲШ интихоботи дар Тоҷикистон баргузоршударо шаффоф, боэътимод ва демократӣ арзёбӣ намуд
ПИРӮЗӢ МУБОРАК! Аксари мутлақи шаҳрвандони Тоҷикистон барои субот, тараққиёт ва ояндаи боз ҳам беҳтари кишвари худ овоз доданд
ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОН-2020. Тибқи натиҷаҳои пешакӣ, Пешвои миллат муҳтарам Эмомалӣ Раҳмон 90,92 дарсади овозҳоро ба даст оварданд!
ТАСС: Интихоботи Президентии Тоҷикистон дар фазои ором ва идона доир гардид
ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОН-2020. Раванди овоздиҳӣ дар интихоботи президентӣ дар мамлакат ба охир расид
НОЗИРОНИ АССАМБЛЕЯИ БАЙНИПАРЛУМОНИИ ИДМ: таҷрибаи Тоҷикистон ҳангоми гузаронидани интихобот дар дигар давлатҳои Иттиҳод муфид хоҳад буд
ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОН -2020. Дар Ҷумҳурии Тоҷикистон интихоботи президентӣ баргузоргардида ҳисобида шуд
ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОН-2020. То соати 12:00 ду миллиону 295 ҳазору 459 нафар ё 46,44% интихобкунандагон дар интихобот ширкат варзиданд
Дар се участкаи интихоботии Хоруғ то соати 11:00 зиёда аз 50 фоизи интихобкунандагон раъй доданд