Дар шаҳраки Рохарви ноҳияи Ванҷ меҳмонхонаи нав бунёд гардид
ХОРУҒ, 20.10.2020 /АМИТ «Ховар»/. Дар шаҳраки Рохарви ноҳияи Ванҷ меҳмонхонаи нави дуошёна мавриди баҳрабарорӣ қарор дода шуд. Меҳмонхона 8 ҳуҷра дошта, тамоми ҳуҷраҳо бо оби гарму сард, яхдон ва дигар асбобу анҷоми муосири маишӣ таъмин аст.
Мудири бахши меъморӣ ва шаҳрсозии мақомоти иҷроияи ҳокимияти давлатии ноҳияи Ванҷ Зоҳиршо Шамсиддинов гуфт, ки чунин меҳмонхонаҳо агар аз як сӯ ба қабулу пазироии сайёҳони ватанию хориҷӣ дар сатҳи зарурӣ мусоидат намоянд, аз сӯи дигар, симои шаҳракро боз ҳам зебову дилрабо мегардонад. Дар доираи омодагӣ ба ҷашни 30-солагии истиқлоли давлатӣ мутобиқи нақша 85 адад биноҳои таъйиноти гуногун ба истифода дода мешаванд, ки аз онҳо то ба имрӯз 65 адад ба фаъолият оғоз намудаанд.
Соҳибкори маҳаллӣ Зафар Шарифов, ки ин меҳмонхонаро бунёд намудааст, аз кумаку ҳамкории мақомоти иҷроияи ҳокимияти давлатии ноҳия бо соҳибкорон изҳори қаноатмандӣ намуда, гуфт, ки “баъди пешниҳоди лоиҳаи ин меҳмонхона раиси ноҳия ба муассисаҳои марбута дастур дод, ки дар зудтарин фурсат макони мувофиқ барои сохтмони меҳмонхона пайдо ва хулосаи худро ба комиссияи ноҳиявӣ пешниҳод намоянд. Таҳияи санаду ҳуҷҷатҳои зарурӣ ҳамагӣ давоми як моҳ ҳал гардид ва бинокорон ба бунёди меҳмонхона шурӯъ карданд”.
Бештари меҳмонон бо нақлиёти худ ба ноҳия сафар мекунанд ва ҳангоми пок кардани мошин ба мушкилӣ рӯ ба рӯ мешаванд. Бинобар ин дар ошёнаи аввал як нуқтаи шустушӯи мошин низ сохта шуд.
Баъди ифтитоҳи меҳмонхона боз панҷ нафар сокинони маркази ноҳия бо кори доимӣ таъмин гардиданд.
«ФАРЗАНД — ИДОМАДИҲАНДАИ ОИЛА». Дар ноҳияи Данғара таҳти ин унвон иқдоми маърифатӣ гузаронида шуд
Ғолибони озмуни «Донандаи беҳтарин асарҳои Пешвои миллат» дар Донишгоҳи давлатии Хоруғ муайян гардиданд
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
САВГАНДИ САДОҚАТ БА ХАЛҚУ ВАТАН! Дар шаҳри Бӯстон маросими савгандёдкунии наваскарон баргузор гардид
КИРМАКПАРВАРӢ. Имсол ба ҷамоатҳои шаҳри Истаравшан 200 қуттӣ кирмак тақсим карда шуд
Барои муштариёни Суғду Хатлон – тарофаҳои дорои интернети бештар
Дар ноҳияи Рӯдакӣ таҳти унвони «Оила-рамзи муҳаббат, вафо ва ҳамдигарфаҳмӣ» ҳамоиш доир гардид
Ноҳияи Дӯстии вилояти Хатлон нақшаи истеҳсоли пилларо пурра иҷро намуд
ИМРӮЗ — РӮЗИ БАЙНАЛМИЛАЛИИ ОИЛА. Барномаи давлатии рушди оила дар Тоҷикистон ба таҳкими пояҳои оиладорӣ нигаронида шудааст
Имрӯз дар Тоҷикистон ҳаво то 36 дараҷа гарм мешавад
Дар ноҳияи Нуробод бахшида ба Рӯзи байналмилалии оила ҳамоиши маърифатӣ доир гардид
«ДУШАНБЕ — ШАҲРИ САРСАБЗ, ГУЛПӮШ ВА НАЗАРРАБО». Андешаҳои иштирокчии Конфронси Созмони озуқаворӣ ва кишоварзӣ дар ин маврид
