«Камол – устоди бузурги забон» ба дасти хонанда расид
ДУШАНБЕ, 04.10.2020 /АМИТ «Ховар»/. Муассисаи давлатии «Маркази илмии Камоли Хуҷандӣ» бо ҳамкории кормандони Донишкадаи иқтисод ва савдои Донишгоҳи давлатии тиҷоратии Тоҷикистон бахшида ба 700-солагии Шайх Камоли Хуҷандӣ таҳти унвони «Камол – устоди бузурги забон» тавассути нашриёти «Ношир» китоби нав чоп намуд.
Тибқи иттилои директори «Маркази илмии Камоли Хуҷандӣ» Баҳром Раҳматов, китоб ҷилди чаҳоруми «Силсилаи китобҳои камолшиносӣ» буда, бо кӯшиши корманди МД «Маркази илмии Камоли Хуҷандӣ» Фирӯза Қодирова таҳия шудааст.
Дар китоби мазкур дар доираи 28 мақола паҳлӯҳои мухталифи забонии шеъри Камоли Хуҷандӣ: воҳидҳои савтӣ, лексикӣ, сарфӣ, наҳвӣ, фразеологиро мавриди таҳқиқ қарор гирифтааст. Умуман мақолоти китоб бештар дар доираи ғановату назокат ва ҷолибияти забони ғазалҳои дилошӯби шоир буда, фикру андешаҳои муҳаққиқони гузаштаву ҳозираро доир ба ин падида фаро гирифтаанд.
Баҳром Раҳматов афзуд, ки «тадвини ин маҷмӯа ҷойгоҳи нопурраи доираи забоншиносии эҷодиёти шоирро мукаммал месозад. Аҳамияти маҷмӯа низ дар мушаххассозии кори минбаъдаи муҳаққиқон зоҳир мегардад, зеро зимни дастрассозӣ ва мутолиаи китоб бо нуктаҳои баррасиёфта ва аз назармондаи таҳқиқ шинос шудан имкон дорад ва дар заминаи он таҳқиқоти густардаи паҳлӯи дигари забони шоир ба миён хоҳад омад.
Бо омӯзиши мероси бозмондаи ин суханвар муайян сохтани як марҳалаи ташаккули забони тоҷикӣ-форсии мовароуннаҳрӣ имконпазир мегардад, зеро эҷодиёти хушоянди шоир далели раднопазир аз маҳорати устодонааш вобаста ба қисматҳои гуногуни забоншиносӣ мебошад».
«ДАР ҲУНАР КӮШ, КИ ЗАР ЧИЗЕ НЕСТ…». Фаъолияти Аспармо Мавлоназарова барои рушди ҳунарҳои миллӣ намунаи ибрати ҷавонон аст
Дар Душанбе дар мавзуи Куруши Кабир ва Эъломияи умумии ҳуқуқи башар ҳамоиш доир гардид
Туҳфаи Президенти Тоҷикистон — «Шоҳнома»-и Абулқосим Фирдавсӣ ба ноҳияи Мастчоҳ расид
ҲИФЗИ МЕРОСИ МИЛЛӢ ДАР ТОҶИКИСТОН. Тавассути сиёсати хирадмандона имрӯз ҷаҳониён бо таъриху фарҳанги миллати мо шинос мешаванд
Донишкадаи давлатии санъати тасвирӣ ва дизайни Тоҷикистон бо «Россотрудничество» ҳамкориро густариш медиҳад
Дар Институти масъалаҳои об, гидроэнергетика ва экология озмоишгоҳи муштараки муҳити экологӣ ба истифода дода шуд
Фестивали байналмилалии «Сӯзании Панҷакент» баргузор мешавад
«Харитаи хатсайри Шӯриши Восеъ» таҳия мегардад
«ФАРҲАНГИ СУМАНАКПАЗӢ». Номинатсияи миллии Ҷумҳурии Тоҷикистон ба Феҳристи мероси фарҳанги ғайримоддии ЮНЕСКО ворид гардид
РӮЗИ БАЙНАЛМИЛАЛИИ РАССОМОН. Ин ҳунар дар Тоҷикистон беш аз ҳазор сол пеш ба вуҷуд омадааст
«ҲИФЗИ МЕРОС». Бо мақсади муаррифии сазовори таъриху фарҳанги миллати тоҷик маҷаллаи илмӣ ба нашр расид
РӮЗҲОИ ФАРҲАНГИ ЧИН ДАР ТОҶИКИСТОН. Дар Донишкадаи давлатии фарҳанг ва санъат барномаи фарҳангӣ доир шуд
