Маҷмӯаи илмии Донишгоҳи давлатии омӯзгории Тоҷикистон бо номи «Анвори дониш» ба нашр расид

Октябрь 22, 2020 08:30

ДУШАНБЕ, 22.10.2020 /АМИТ  «Ховар»/. Маҷмӯаи илмии кафедраи забони тоҷикии Донишгоҳи давлатии  омӯзгории Тоҷикистон ба номи С.Айнӣ  таҳти унвони  «Анвори дониш» аз чоп баромад. Маҷмӯаи мазкур зери назари Ректори Донишгоҳи давлатии  омӯзгории Тоҷикистон ба номи Садриддин Айнӣ, доктори илмҳои таърих, профессор Нуъмонҷон Ғаффорӣ мунташир гардида, барои пажӯҳишгарони соҳа, устодони донишгоҳҳо, унвонҷӯён, ҳаводорони забону адабиёт  ва оммаи васеи хонандагон пешбинӣ шудааст.

Тавре аз Донишгоҳи давлатии  омӯзгории Тоҷикистон ба АМИТ «Ховар» хабар доданд, дар маҷмӯаи илмӣ  олимон масъалаҳои марбут ба масоили забоншиносӣ ва адабиётшиносиро мавриди пажӯҳиш қарор додаанд.  Дар маҷмӯаи «Анвори дониш» мақолаҳои «Тасвири образи модар дар эҷодиёти Лоиқ Шералӣ»-и Нӯъмонҷон Ғаффорӣ, «Тасвири рӯҳи замон, аҳволи мардуми ҳунарвар ва тарғиби ҳунарҳои мардумӣ дар «Шаҳрошӯб»- и Сайидои Насафӣ»-и Саидмуроди Хоҷазод ва Абдурашид Ализода, «Образи занони мубориз дар романи паҳлавонии «Доробнома»- и Абӯтоҳири Тарсусӣ»-и Рухшона Восиева ва Фурӯғ Тоҷиева, «Пешвои миллат ва шинохти ҷаҳони ботинии инсон дар афкори Мавлоно»-и Нуралӣ Нуров ва Хусрав Зокиров, «Забони адабӣ ва рисолати давлатии он»-и Ҷамшед Валиев, «Тафсири даҳ ғазали шайх Камоли Хуҷандӣ»-и Равшани Ҳамроҳ  ва дигарон  дар партави Паёми Президент ба Маҷлиси Олии Ҷумҳурии Тоҷикистон рӯи чоп омадаанд.

Бояд гуфт, ки  баррасӣ ва пажӯҳиши масъалаҳои умдаи соҳаҳои мазкур бо дидгоҳи тоза ва назардошти рӯҳи замон меҳвари аслии мақолаҳои маҷмӯаро ташкил медиҳад.

 

Октябрь 22, 2020 08:30

Хабарҳои дигари ин бахш

«ДАСТХАТҲОИ ҚАЛЪАИ МУҒ». Нодиртарин ёдгориҳои Тоҷикистон ба рӯйхати «Ҳофизаи ҷаҳонӣ»-и созмони ЮНЕСКО дохил гардиданд
Дар Тоҷикистон ҳунари балети Узбекистон муаррифӣ карда мешавад
Дар Ҷумҳурии Мардумии Чин Рӯзҳои фарҳанги Ҷумҳурии Тоҷикистон идома дорад
Дар шаҳри Панҷакент Боғи фарҳангию фароғатии ба номи Абулқосим Фирдавсӣ бунёд карда мешавад
«УМРЕ БО МУСИҚӢ». Дар Душанбе ҳамоиши илмӣ баргузор гардид
«ИЛМ-ФУРӮҒИ МАЪРИФАТ». Дар шаҳри Хуҷанд даври якуми озмуни ҷумҳуриявӣ идома дорад
Ба гиромидошти асосгузори мактаби классикии шеър-мусиқии замони Сомониён Абулаббоси Бахтиёр симпозиуми байналмилалӣ доир шуд
Дар Ҳисор маҳфил-озмуни «Шоҳнома Ватан аст!» оғоз гардид
Директори Хадамоти федералии приставҳои судии Федератсияи Русия бо таъриху тамаддуни тоҷикон шинос шуд
Дар Китобхонаи миллӣ даври аввали озмуни «Фурӯғи субҳи доноӣ китоб аст» баргузор гардид
Дастхатҳои Қалъаи Кӯҳи Муғ ба рӯйхати «Ҳофизаи ҷаҳонӣ»-и ЮНЕСКО дохил шуданд
СОЛИ ФАРҲАНГИ КИТОБХОНӢ. Дар доираи он дар вилояти Хатлон конференсияи илмӣ-амалӣ баргузор шуд