Пагоҳ «Сомон Эйр» дар масири Душанбе-Истанбул парвозҳои мунтазам оғоз менамояд

Октябрь 7, 2020 09:10

ДУШАНБЕ, 07.10.2020 /АМИТ «Ховар»/.  Шурӯъ аз пагоҳ, 8 октябр ширкати ҳавопаймоии Тоҷикистон «Сомон Эйр» парвозҳои  мунтазамро дар хатсайри Душанбе-Истанбул барқарор менамояд. Парвозҳо ҳафтае як  маротиба- рӯзҳои панҷшанбе иҷро гардида, вақти парвоз аз Душанбе  соати 06:00, аз Истанбул 10:45 ба вақти маҳаллӣ мебошад. Ширкати ҳавопаймоии Тоҷикистон «Сомон Эйр» ба диққати  мусофирони хатсайри Душанбе-Истанбул мерасонад, ки мутобиқи талабот, кулли мусофирон ҳатман бояд ниқоб ва дастпӯши ҳифозатӣ дошта бошанд. Мусофироне, ки таби баланд ё аломатҳои беморӣ доранд, ба дохили ҳавопаймо роҳ дода намешаванд. Пеш аз нишасти ҳавопаймо мусофирон бояд анкетаи махсусро (the Passenger Locator Form) пур намуда, дар фурудгоҳи Истанбул ба хадамоти дахлдор супоранд. Мусофирон бояд маълумотномаи эмин будан аз COVID-19 (PCR-тест)-ро, ки давоми 96 соат пеш аз вуруд дода шудааст, дошта бошанд. Маълумотнома бояд аслӣ бошад ва аз ҷониби лабораторияи акредитатсиядошта бо муҳри муассисаи тиббӣ пешниҳод карда шавад. Ашхоси мубталои СOVID-19 ба парвоз роҳ дода намешаванд, -меафзояд сарчашма.

Инчунин ҳангоми вуруд ба фурудгоҳи байналмилалии  Истанбул кулли мусофирон аз санҷиши сирояти коронавирус гузаронида мешаванд. Нафароне, ки дар онҳо сирояти СOVID-19 муайян мегардад, аз ҳисоби худашон ва ё аз ҳисоби ширкати суғуртаи тиббӣ табобати зарурӣ мегиранд. Аз ин лиҳоз доштани суғуртаи тиббӣ тавсия дода мешавад.

Меъёри интиқоли ройгони бағоҷ дар самти Душанбе-Истанбул барои эконом-класс 27 кг бо инобати бори дастӣ  ва барои бизнес-класс 40 кг бо инобати бори дастӣ муқаррар шудааст. Ба дохили ҳавопаймо бо худ танҳо лептоп, ҷузвдони занона ва кӯдаконаро гирифтан мумкин аст. Амволи дигари мусофирон ҳамчун бағоҷ гузаронида мешавад.

Бо барқарор гардидани  парвозҳои мунтазам   дар масири Душанбе-Истанбул баъд  аз ҳафт моҳи танаффус интизор меравад, ки ояндаи наздик парвозҳо дар хатсайри Душанбе-Урумчӣ низ барқарор карда шаванд. Дар ин хусус роҳбарони мақомоти авиатсияи граждании  ҷумҳурӣ иттилоъ доданд.

Октябрь 7, 2020 09:10

Хабарҳои дигари ин бахш

Хайринисо Идрисова: «Дастарӣ ба маблағи гранти президентӣ имкон дод, ки фаъолияти ҳунармандиямро васеъ намоям»
Панҷакент — яке аз аввалин шаҳрҳои Тоҷикистон, ки дар солҳои соҳибистиқлолӣ аз шаҳри аграрӣ ба саноативу аграрӣ табдил ёфт
Дар Душанбе оғози Даҳсолаи байналмилалии амал оид ба илмҳои яхшиносӣ (криосферӣ), солҳои 2025-2034 баррасӣ гардид
Дастовардҳои Тоҷикистон дар Форуми иқтисоди рақамии Созмони ҳамкории Шанхай-2025 муаррифӣ гардид
Дар ноҳияи Данғара корхонаи истеҳсоли маҳсулоти саноатӣ сохта мешавад
Имсол дар Бадахшон 45 корхонаву коргоҳҳои саноатӣ ба фаъолият оғоз намуд
Ҳайати Тоҷикистон дар ҷаласаи маҳдуди сатҳи вазирони иқтисоди СҲШ дар Чин иштирок намуд
Иттиҳоди Аврупо дар Тоҷикистон лоиҳаҳои соҳаи энергетикаро амалӣ менамояд
Дар Вазорати рушди иқтисод ва савдои Тоҷикистон татбиқи ташаббуси ҷаҳонии «Global Gateway» баррасӣ гардид
ДАРАИ АЛМОСӢ. Аз ҷониби ҷомеаи ҷаҳонӣ ҳамчун мавзеи беназири таърихии кишоварзӣ этироф гардид
Дараи Алмосии шаҳри Ҳисор расман ба феҳристи «Низоми мероси кишоварзии дорои аҳамияти ҷаҳонӣ» ворид карда шуд
Дар Бонки миллӣ бо ҳайати Дафтари Швейтсария оид ба ҳамкорӣ дар Ҷумҳурии Тоҷикистон вохӯрӣ доир гардид