Сеюмин ҷаласаи Платформаи шарикӣ байни Тоҷикистон ва САҲА дар шакли видеоконференсия баргузор гардид
ДУШАНБЕ, 16 октябр /АМИТ «Ховар»/. 15 октябр сеюмин ҷаласаи Платформаи шарикӣ байни Ҷумҳурии Тоҷикистон ва Созмони амният ва ҳамкорӣ дар Аврупо (САҲА) дар шакли видеоконференсия баргузор гардид.
Тавре АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад, дар видеоконференсия ҳайати Тоҷикистонро муовини Вазири корҳои хориҷии Ҷумҳурии Тоҷикистон Музаффар Ҳусейнзода ва ҳайати САҲА-ро иҷрокунандаи вазифаи Дабири кулли САҲА Туула Юрёла роҳбарӣ намуданд.
Ҷонибҳо фаъолияти САҲА-ро дар ҷумҳурӣ дар чорчӯби се ченаки ҳамкорӣ: низомӣ-сиёсӣ, иқтисодӣ-муҳитизистӣ ва инсонӣ баррасӣ карданд.
Зимни суханронӣ Музаффар Ҳусейнзода иброз дошт, ки «дар паҳнои САҲА чунин абзори ҳамкорӣ ва гуфтугӯ миёни кишвари мизбон ва Созмон бо иштироки доираи васеи коршиносон ва намояндагони вазорату идораҳои дахлдор беназир арзёбӣ мегардад. Нишасти мазкур ба мо имкон медиҳад, ки бознигарии комили ҳамкории дуҷонибаро тариқи коркарди лоиҳаҳои муштарак дар се ченаки Созмон таъмин намоем».
Иҷрокунандаи вазифаи Дабири кулли САҲА дар навбати худ аҳамияти Платформаи шарикии машваратиро ҳатто дар шароити душвори бемории ҳамагири COVID-19 ҷиҳати идомаи ҳамкории қавӣ ва амалӣ байни САҲА ва Тоҷикистон таъкид кард. Номбурда Дафтари САҲА-ро барои андешидани иқдоми фаврӣ дар мутобиқсозии фаъолияти худ ҷиҳати дастгирии Тоҷикистон ситоиш кард. Иҷрокунандаи вазифаи Дабири кулли Созмон инчунин аз нақши Тоҷикистон дар густариши ҳамкории қавии минтақавӣ ва таҳкими субот дар минтақа изҳори сипос кард. Номбурда аз ҷумла фаъолияти Коллеҷи идораи сарҳадии САҲА барои кормандони аршадро дар Душанбе зикр намуд.
Аҳмад ибни Муҳаммад Ас-Сайид: «Робитаҳои иқтисодии Тоҷикистону Қатар муҳим арзёбӣ мегарданд»
Қоҳир Расулзода бо Валиаҳди Салтанати Негери Сембилани Малайзия Шоҳзода Тунку Алӣ Ризауддин ибни Муҳри мулоқот намуд
Холид Ал-Фолеҳ: «Арабистони Саудӣ дар Тоҷикистон беш аз 14 лоиҳаро тавассути Фонди саудии рушд амалӣ намудааст»
Намояндаи Тоҷикистон дар Форум оид ба сиёсати бетарафӣ, зеҳни сунъӣ (AI) ва ояндаи рақамӣ иштирок намуд
Сафири Тоҷикистон дар Конгресси ҷаҳонӣ оид ба ҳифзи табиат дар Абу Забӣ иштирок намуд
Сироҷиддини Муҳриддин: «Музокироти сарони кишварҳои ИДМ дар фазои созандаю самарабахш ва корӣ баргузор шуд»
Сергей Лебедев аз нав Дабири кулли Иттиҳоди Давлатҳои Мустақил таъйин гардид
Имрӯз дар Тоҷикистон ҷаласаи Шурои сарони кишварҳои Иттиҳоди Давлатҳои Мустақил баргузор мегардад
Сарвазири Арманистон Никол Пашинян бо сафари корӣ ба Тоҷикистон ташриф овард
Дар Душанбе ҷаласаи Шурои вазирони корҳои хориҷии кишварҳои иштирокдори ИДМ доир шуд
Хабарнигори «Russia Today» Саргон Ҳадая: «Тоҷикон мардуми меҳмоннавоз ҳастанд»
