Вақти зинда мондани коронавирус дар пӯсти инсон 9 соатро ташкил медиҳад

ДУШАНБЕ, 08.10.2020 /АМИТ «Ховар»/. Коронавирус назар ба зуком метавонад дар пӯсти инсон панҷ  маротиба бештар фаъолятнокии худро нигоҳ дорад. Тавре  АМИТ «Ховар» иттилоъ медиҳад, тадқиқоти дахлдор дар маҷаллаи «Clinical Infectious Diseases» нашр шудааст.

Модели сохтаи олимони Донишгоҳи префектураи Киото (Япония) имкон медиҳад, ки ҳангоми таҳқиқоти клиникӣ патогенҳо ба таври аёнӣ ва бехатар ба пӯсти инсон ворид карда шаванд. Пас аз ин мутахассисон устувории SARS-CoV-2 ва вируси зукоми А (IAV) -ро бо муҳити атроф ва ё луоби роҳҳои болоии нафаскашӣ омехташударо арзёбӣ карданд.

Маълум шуд, ки SARS-CoV-2 ва IAV дар пӯст нисбат ба сатҳҳои дигар, аз ҷумла пӯлод, шиша ё пластмасса зудтар ғайрифаъол шудаанд. Дар айни ҳол, вақти зинда мондани SARS-CoV-2 ба ҳисоби миёна 9.04 соат ва IAV — 1.82 соатро ташкил дод.

Муҳаққиқон зикр карданд, ки зарраҳои ҳарду вирус бо истифода аз дезинфексия аз пӯсти одам пурра нобуд мешаванд.

                                                       АКС аз манбаъҳои кушода