ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. То соли 2021 дар вилояти Хатлон беш аз 940 иншооти тиббӣ бунёду навсозӣ мешаванд
ДУШАНБЕ, 06.11.2020 /АМИТ «Ховар»/. То ҷашни умумимиллии 30-солагии Истиқлолияти Ҷумҳурии Тоҷикистон дар ҳудуди вилояти Хатлон бунёду навсозии 941 иншооти тиббӣ ба нақша гирифта шудааст, хабар медиҳад АМИТ «Ховар» бо истинод ба шӯъбаи иттилоотию таҳлилии дастгоҳи раиси вилояти Хатлон.
Дар доираи нақшаи чорабиниҳо ба муносибати ҷашни 30-солагии Истиқлолияти давлатӣ дар шаҳру навоҳии вилояти Хатлон бунёди 532 иншооти соҳаи тандурустӣ ба анҷом расида, мавриди баҳрабардорӣ қарор гирифтанд. Аз ҷумла, то имрӯз дар шаҳру навоҳии вилоят 27 беморхона, 55 маркази саломатӣ, 159 бунгоҳи тиббӣ, 142 нуқтаи хатнакунӣ, 14 таваллудхона ва 135 дорухона сохта ба истифода дода шуданд.
Айни ҳол дар вилоят сохтмони иншооти калонҳаҷми соҳаи тандурустӣ, аз ҷумла бунёди бинои Маркази перинаталӣ дар шаҳри Бохтар, Беморхонаи бисёрсоҳавӣ бо 200 кати бистарикунонӣ ва Маркази саломатӣ бо 300 нафар қабули беморон дар ноҳияи Қубодиён, Беморхонаи касалиҳои сироятӣ дар ноҳияи Данғара, Маркази табобатии бемориҳои қалб дар шаҳри Бохтар ва Беморхонаи рақамӣ дар ноҳияи Ҷалолиддини Балхӣ идома дорад.
Ҳамзамон, дар вилоят сохтмони бунгоҳ ва марказҳои саломатӣ дар сатҳи деҳот вусъати тоза касб намуда истодаанд.
Баҳри хизматрасонии тиббӣ ба аҳолии вилояти Хатлон феълан 115 адад муассисаҳои сохтори госпиталӣ ва 41 адад муассисаҳои амбулаторию госпиталӣ фаъолият доранд.
АКС аз шӯъбаи иттилоотию таҳлилии дастгоҳи раиси вилояти Хатлон
Озмуни ҷумҳуриявии «Беҳтарин хизматчии давлатӣ аз ҳисоби занон» ҷамъбаст гардид
35-СОЛАГИИ ИСТИҚЛОЛИ ДАВЛАТӢ. Дар ноҳияи Ёвон муассисаҳои соҳаи маориф бунёд мегарданд
Дар Тоҷикистон кадом навъи бемории зуком хуруҷ намудааст?
35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон беш аз 200 иншооти таъйиноти гуногун сохта мешавад
Дар шоҳроҳи Ёвон-Душанбе маъракаи ниҳолшинонӣ оғоз ёфт
Муовини Сарвазири Тоҷикистон дар конференсияи байналмилалӣ оид ба нақши зан дар Туркманистон иштирок намуд
35-СОЛАГИИ ИСТИҚЛОЛИ ДАВЛАТӢ. Дар деҳаи Калфи Сабади ноҳияи Ёвон майдони варзишии муосир сохта мешавад
«ХУШДОМАНИ БЕҲТАРИН». Дар Бадахшон даври вилоятии озмун ҷамъбаст гардид
Бахшида ба 31-солагии Ҳизби Халқии Демократии Тоҷикистон дар Душанбе ҳамоиши тантанавӣ доир шуд
Дар шаҳру ноҳияҳои вилояти Суғд беш аз 2 ҳазор километр роҳ таъмиру навсозӣ карда шуд
ЭҲТИЁТ — НИМИ ҲАЁТ! Ҳангоми гарм кардани хонаҳо бо ангишт қоидаҳои истифодаи онро риоя намоед
РӮЗИ БАЙНАЛМИЛАЛИИ ҲУҚУҚИ ИНСОН. Стратегияи миллии Ҷумҳурии Тоҷикистон дар соҳаи ҳифзи ҳуқуқи инсон ба ҳимояи ҳуқуқ ва озодиҳо равона шудааст
