«Сарсабзии пойтахт — мароми мо, ҷавонон», оғози маъракаи ниҳолшинонӣ дар Душанбе

Ноябрь 28, 2020 09:32

ДУШАНБЕ, 28.11.2020 /АМИТ «Ховар»/. Имрӯз дар шаҳри Душанбе таҳти унвони «Сарсабзии пойтахт-мароми мо, ҷавонон» маъракаи ниҳолшинонӣ ва корҳои ободониву созандагӣ оғоз гардид. Дар маросими ниҳолшинонӣ  ҷавонону донишҷӯёни муассисаҳои оливу касбии таълимӣ, масъулини соҳаи маориф, тандурустӣ, шӯроҳои кор бо ҷавонони шаҳраку маҳаллаҳо, варзишгарону масъулини соҳаи кор бо ҷавонон  иштирок доранд.

Тавре аз Раёсати кор бо ҷавонон ва варзиши шаҳри Душанбе ба АМИТ «Ховар» хабар доданд, иқдоми мазкур  дар  доираи тадбирҳои созандагиву бунёдкоронаи Раиси шаҳри Душанбе муҳтарам Рустами Эмомалӣ роҳандозӣ шуда, дар назар аст ҳар рўзи шанбе ин ташаббус дар дигар минтақаҳои мамлакат низ баҳри сазовор ҷашн гирифтани 30-солагии Истиқлоли давлатии Ҷумҳурии Тоҷикистон гузаронида шавад.

Ёдовар мешавем, ки Раиси шаҳри Душанбе муҳтарам Рустами Эмомалӣ зимни оғози мавсими ниҳолшинонӣ масъулинро ба вусъат бахшидани маъракаи ободонӣ ва  сабзу хуррамгардонӣ дар ҳудуди пойтахт даъват намуданд. Дар ин замина таваҷҷуҳи махсус ба интихоби навъҳои дарахту буттаҳо бо назардошти хусусияти ороишиашон  дар шаҳраку маҳаллаҳои пойтахт ва  риояи қоидаҳои дурусти агротехникӣ дар раванди ниҳолшинонӣ равона гардидааст. Зеро риояи ин қоидаҳо асоси нашъунамои хуби минбаъдаи дарахтон мебошад.

Муроҷиати Раиси шаҳри Душанбе муҳтарам Рустами Эмомалӣ бобати ба «шаҳри сабз» табдил додани шаҳри Душанбе, ки зимни баргузории иҷлосияи сеюми Маҷлиси вакилони халқи шаҳри Душанбе, даъвати шашум садо дод,  ҳамчун пешниҳоди ҷолиб дар таъмини муҳити тозаи экологӣ миёни аҳли ҷомеа ҳамовозии гарму ҷӯшон ба миён овард.

Ноябрь 28, 2020 09:32

Хабарҳои дигари ин бахш

Дар доираи ташаббуси наҷиби Пешвои миллат дар миқёси мамлакат 1,5 миллион бех ниҳол шинонида шуд
Раиси вилояти Суғд аз хоҷагиҳои деҳқонии шаҳри Панҷакент боздид намуд
«Парвариши дарахти муъҷизанок «павловния» дар Тоҷикистон манфиати зиёд дорад», — чунин пешниҳод кардааст рўзноманигори тоҷик ба соҳибкорон
Соҳибкорони вилояти Липетск дар Суғд ниҳол шинониданд
ДАРАХТ БИНШОН! Дар ноҳияи Темурмалик беш аз 500 ниҳолҳои ороишӣ шинонида шуд
Дар Истаравшан дар майдони 40 гектар боғи себ бунёд мегардад
ИҚДОМ БА ЗЕБОИПАРАСТИВУ ОЗОДАГӢ. Дар шаҳри Хоруғ Ҳафтаи гулшинонӣ эълон гардид
ДАРАХТ БИНШОН! Дар Мурғоб 4 ҳазор қаламча ва ниҳоли дарахтони бед, ки ба иқлими баландкӯҳи ноҳия мутобиқанд, шинонда шуданд
ДАРАХТ БИНШОН! Дар мавсими имсола дар Хоруғ зиёда аз 3 ҳазор бех дарахтони босамару ороишӣ шинонида мешаванд
Пешвои миллат Эмомалӣ Раҳмон барои бунёди тутзор дар Хоҷагии деҳқонии «Хурсандӣ-2»-и ноҳияи Кӯшониён дарахт шинонданд
ДАРАХТ БИНШОН! Дар ноҳияи Ҷаббор Расулов беш аз 200 бех ниҳолҳои санавбар шинонида шуданд
ДАРАХТ БИНШОН! Дар шоҳроҳи Кӯлоб-Ховалинг ва кӯчаҳои марказӣ беш аз 1000 бех ниҳолҳои ороишию сояафкан шинонида шуданд

Маводҳои таҳлилӣ