ОМОДАГӢ БА ЗИМИСТОН. Роҳбарони Вазорати тандурустӣ аз муассисаҳои ҳифзи иҷтимоии аҳолии чанд шаҳру ноҳия дидан карданд

Ноябрь 30, 2020 11:09

ДУШАНБЕ, 30.11.2020 /АМИТ «Ховар»/. 28 ноябр бо мақсади аз наздик шинос шудан бо фаъолияти муассисаҳои тандурустӣ ва ҳифзи иҷтимоии аҳолӣ ва омодагии онҳо ба давраи зимистон, таҳлили вазъи санитарию эпидемиологӣ, махсусан пешгирӣ ва табобати бемории COVID-19 Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода аз муассисаҳои ҳифзи иҷтимоии аҳолии шаҳрҳои Турсунзода, Ҳисор ва ноҳияи Шаҳринав, муовинони вазир Шодихон Ҷамшед аз муассисаҳои ҳифзи иҷтимоии аҳолии шаҳрҳои Ваҳдат, Роғун ва ноҳияи Файзобод, Самариддин Ализода аз муассисаҳои ҳифзи иҷтимоии аҳолии минтақаи Бохтар дидан намуданд. Дар ин бора АМИТ «Ховар» бо истинод ба маркази матбуоти Вазорати тандурустӣ ва ҳифзи иҷтимоии аҳолӣ хабар медиҳад.

Ҷамолиддин Абдуллозода ба Хона-интернати пиронсолон ва маъюбони шаҳри Турсунзода рафта, бо бошандагони он суҳбат анҷом дод ва аз анбори муассиса дидан кард.

Иттилоъ дода шуд, ки барои хуб ва муътадил гузаронидани фасли зимистон дар муассисаи мазкур захираи кофии ангишту ҳезум ва маводи хӯрокӣ муҳайё карда шудааст. Зикр гардид, ки аз ҳисоби хоҷагии ёрирасоне, ки дар ихтиёри Хона-интернати пиронсолон ва маъюбони шаҳри Турсунзода қарор дорад, роҳбарони муассиса самаранок истифода намуда, аз ҳосили он барои фасли зимистон  аз бодиринг ва помидор консерва омода намудаанд.

Ҳамчунин бошандагони муассисаи мазкур барои таваҷҷуҳ ва дастгириҳои пайваста ба Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон изҳори сипосу миннатдорӣ намуданд.

Зимни вохӯриҳои роҳбарони вазорат дар шаҳру навоҳии мазкур  ҷиҳати бартараф намудани мушкилот ва камбудиҳои мавҷуда ба масъулин дастуру супоришҳои мушаххас дода шуд.

Ноябрь 30, 2020 11:09

Хабарҳои дигари ин бахш

Баҳодур Шерализода дар Самарқанд доир ба омодагӣ ба Конференсияи байналмилалии сатҳи баланд оид ба ҳифзи пиряхҳо маълумот дод
Дар шаҳри Душанбе иҷрои «Барномаи фишанги ҳамоҳангсозии сиёсат» баррасӣ гардид
Ҳаҷми гардиши савдои хориҷии Тоҷикистон ва Узбекистон соли 2024 1,74 маротиба зиёд гардид
Барномаи савдои электронӣ дар Тоҷикистон ба баланд бардоштани малакаи рақамию молиявии аҳолӣ ва соҳибкорон равона шудааст
Оё дар Тоҷикистон низоми кишти пунбадона тағйир меёбад? Шарҳи коршиносон дар ин мавзуъ
Дар шаҳри Гулистон Бизнес-форуми Тоҷикистон ва Тотористон баргузор гардид
Имконоти сайёҳии Тоҷикистон дар Намоишгоҳи байналмилалии сайёҳии «Лето-2025» муаррифӣ шуданд
Ҳайати Тотористон бо фаъолияти як қатор корхонаҳои саноатии вилояти Суғд шинос гардид
Дар ноҳияи Кӯшониён дар 320 гектар гармхона бунёд карда шудааст
Гармхонаҳои ширкати «Моғиён- агро»-и шаҳри Панҷакент бозорро бо сабзавоти тоза таъмин менамоянд
Хатмкунандагони Барномаи гузариши иқлимӣ соҳиби шаҳодатнома шуданд
Дар шаҳри Турсунзода бинои нави маъмурии Истгоҳи роҳи оҳани «Регар» ба истифода дода шуд