Театри Тоҷикистон тамошобинони Россияро ба ваҷд овард
ДУШАНБЕ, 16.11.2020 /АМИТ «Ховар»/. Дар рӯзҳои истироҳатии гузашта-14-15 ноябр, дар саҳнаи Театри академии драмавии русии ба номи Г. Константинови шаҳри бостонии Йошкар-Ола (Россия) ду намоиши Театри давлатии драмавии Душанбе ба номи В.Маяковский ба тамошобинон пешкаш карда шуд.
Рӯзи шанбе тамошобинони пойтахти Ҷумҳурии Марий Эл фоҷиаро аз рӯи пйесаи В.Шекспир «Ҳамлет» ва рӯзи якшанбе мазҳакаи Ж.Б. Молйер — «Тартюф» -ро тамошо карданд.
Пештар спектаклҳои театри Маякоскийи Душанбе дар саҳнаи Театри вилоятии ордени Байрақи Сурхи Меҳнатдори ба номи Киров намоиш дода мешуданд. Сафари эҷодии театри Тоҷикистон ба шаҳрҳои Россия дар доираи барномаи “Сафарҳои бузурги эҷодӣ” сурат гирифт.
Тавре директори Театри драмавии русии Душанбе, Ҳунарманди шоистаи Тоҷикистон Мунира Дадаева ба АМИТ «Ховар» хабар дод, намоишҳои ҳунармандон дар толорҳои пур аз тамошобинон сурат гирифтанд. Дирӯз вай дар саҳифаи Фейсбуки худ ба тамошобинони Россия «барои истиқболи гарм» изҳори миннатдорӣ кард.
Тавре хабарнигорони мо қаблан иттилоъ дода буданд, имрӯз дар театри Et Cetera -и Москва фестивали 2-юми театрҳои хориҷии русӣ ифтитоҳ меёбад. Ба барномаи фестивал намоиши Театри давлатии драмавии русии Душанбе ба номи В.Маяковский «Ҳамлет» низ шомил шудааст. Коргардони басаҳнагузорандаи он Ҳунарманди халқии Тоҷикистон, дорандаи Ҷоизаи давлатии ба номи Рӯдакӣ Баҳодур Миралибеков мебошад.
ДАР АКС: коргардони калони театри драмавии русии Душанбе Баҳодур Миралибеков ва муовини директори театр Гулнора Аҳмадова ҳангоми қабули табрикот. Аксҳо аз манбаъҳои озод.
«Куллиёт»-и осори Мирзо Турсунзода рӯнамоӣ гардид
Ба шаҳри Панҷакент Шаҳодатномаи Шаҳри байналмилалии ҳунармандӣ дода шуд
«ТУ ҚАЛБИ ТОҶИКИСТОНӢ, ДУШАНБЕ!» Дар пойтахт озмуни шаҳрӣ идома дорад
«ФАРҲАНГИ СУМАНАКПАЗӢ». Ин таоми миллӣ хусусияти табобатӣ низ дорад
Сокинони ноҳияи Ҷаббор Расулов соҳиби туҳфаи Пешвои миллат — «Шоҳнома»-и Абулқосим Фирдавсӣ мегарданд
«ДАР ҲУНАР КӮШ, КИ ЗАР ЧИЗЕ НЕСТ…». Фаъолияти Аспармо Мавлоназарова барои рушди ҳунарҳои миллӣ намунаи ибрати ҷавонон аст
Дар Душанбе дар мавзуи Куруши Кабир ва Эъломияи умумии ҳуқуқи башар ҳамоиш доир гардид
Туҳфаи Президенти Тоҷикистон — «Шоҳнома»-и Абулқосим Фирдавсӣ ба ноҳияи Мастчоҳ расид
ҲИФЗИ МЕРОСИ МИЛЛӢ ДАР ТОҶИКИСТОН. Тавассути сиёсати хирадмандона имрӯз ҷаҳониён бо таъриху фарҳанги миллати мо шинос мешаванд
Донишкадаи давлатии санъати тасвирӣ ва дизайни Тоҷикистон бо «Россотрудничество» ҳамкориро густариш медиҳад
Дар Институти масъалаҳои об, гидроэнергетика ва экология озмоишгоҳи муштараки муҳити экологӣ ба истифода дода шуд
Фестивали байналмилалии «Сӯзании Панҷакент» баргузор мешавад
