Вазорати рушди иқтисод ва савдо ба Мактаб-интернати Нуробод кумаки моддӣ расонид
ДУШАНБЕ, 26.11.2020. /АМИТ «Ховар»/. Роҳбарони Вазорати рушди иқтисод ва савдои Ҷумҳурии Тоҷикистон дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Мактаб-интернати ҷумҳуриявии кӯдакони ятими ноҳияи Нуробод кумаки моддӣ расониданд.
Баҳри омодагӣ ба фасли зимистон либосҳо, ашёи таълимӣ, маводи хӯрокӣ, аз қабили 110 дона куртка, 135 ҷуфт пойафзол, 50 литр равған, 10 халта орд, 40кг гӯшт, 50 кг биринҷ, 50кг шакар, 200 адад ниқобҳои муҳофизатии тиббӣ, 20 адад моеъи антисептикӣ ва дигар маводу ашёҳои лозима ба таълимгирандагони Мактаб-интернати мазкур супорида шуданд.
Вазири рушди иқтисод ва савдо Завқӣ Завқизода иброз намуд, ки амалҳои хайру савоб, аз ҷумла ғамхорӣ зоҳир намудан ба ятимону бепарасторон, пирону эҳтиёҷмандон, маъюбону камбизоатон ҳамеша дар мадди назари Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати ҷумҳурӣ қарор доранд.
Айни замон дар Мактаб-интернати ҷумҳуриявии кӯдакони ятими ноҳияи Нуробод 135 нафар хонанда бо шароити хуб таълиму тарбия мегиранд. Хонандагони Мактаб-интернат барои ғамхории падаронаи Пешвои миллат муҳтарам Эмомалӣ Раҳмон миннатдорӣ баён карда, иброз намуданд, ки бо тартибу интизоми намунавӣ ва дониши хубу аъло таҳсил менамоянд.
Ваколатдор оид ба ҳуқуқи инсон дар Тоҷикистон дар ҷаласаи панҷуми Комиссия оид ба ҳуқуқи инсони ИДМ иштирок намуд
САДОИ ҚАЛБИ ҲАМСАФОНИ БУРУНМАРЗӢ. Ба Рӯзи таъсиси Ҳизби Халқии Демократии Тоҷикистон бахшида мешавад
Мусобиқаҳои ҷумҳуриявӣ оид ба шоҳмот, шашка, тенниси рӯи миз ва волейбол барои дарёфти «Ҷоми Пешвои миллат» ҷамъбаст шуданд
Нақши Бонки Осиёии рушд дар таҷдиди муассисаҳои таҳсилоти ибтидоӣ ва миёнаи касбии Тоҷикистон назаррас аст
ҒИЗОИ СОЛИМ. Челонро барои мубориза бо шамолхӯрӣ ва баланд бардоштани масуният тавсия медиҳанд
5 ДЕКАБР-РӮЗИ БАЙНАЛМИЛАЛИИ ВОЛОНТЁРОН. Бахшида ба ин рӯз дар Душанбе ҳамоиш доир гардид
Дар мавзуи «Эъломияи Куруши Кабир – аввалин Эъломияи ҳуқуқи инсон дар ҷаҳон» конфронс доир шуд
Намояндаи Тоҷикистон дар Форуми рушди малакаҳои касбӣ ва маориф дар Филиппин иштирок намуд
«ЗАН ВА ЗАМОН: 26 СОЛИ МУЗАФФАРИЯТ». Дар Душанбе таҳти ин унвон ҳамоиши сиёсию фарҳангӣ доир шуд
Конференсияи илмӣ-амалӣ ба нақши ҳизбҳои сиёсӣ дар баланд бардоштани ҳувияти миллӣ ва амнияти давлат бахшида шуд
Соҳибкорзанони Тоҷикистон лоиҳаҳои худро дар намоишгоҳи «WomenCup–2025» муаррифӣ намуданд
