Духтур пайомади аз ҳама оммавии коронавирусро номбар кард

Декабрь 7, 2020 13:14

ДУШАНБЕ, 07.12.2020 /АМИТ «Ховар»/. Аксари пайомадҳои сирояти коронавирус, пас аз сар гузаронидани он, ба тағирёбии фишори хун вобаста мебошанд. Дар ин бора духтури рус, иммунолог-аллерголог Владимир Болибок ба «Лента.ру» изҳор намудааст, хабар медиҳад АМИТ «Ховар».

«Чизи аз ҳама оммавӣ аз нуқтаи назари ман — чизе, ки ман дар ҳама беморон мебинам — ин тамоюли баландшавии фишори хун бо сабаби коҳиш ёфтани қобилияти ёзандагии деворҳои рагҳо дар тамоми бадан аст», — иброз доштааст духтур.

Иллатдор шудани системаи рагҳои инсон бар асари беморӣ Болибокро ба ин хулоса овардааст.

«Васкулит — ин илтиҳоби пардаи дарунии рагҳои хунгузар аст», — шарҳ додааст духтур. — Пайомади ин васкулитҳо аз он иборат аст, ки дар атрофи  рагҳои хурд ҳуҷайраҳои илтиҳобёфта боқӣ мемонанд. Яъне, илтиҳоб ба охир расидааст, аммо ҳуҷайраҳо дар атрофи рагҳо ҳамоно боқӣ мемонанд. Ва бо мурури замон, ин ҳуҷайраҳо боиси нумӯи коллаген мешаванд — яъне қобилияти ёзандагии рагҳо нисбат ба давраи то беморӣ камтар мешавад».

Ин пайомад дарозмуддат ё кӯтоҳмуддат хоҳад буд, гуфтан душвор аст, изҳор намудааст духтур. Вай инчунин зикр кардааст, ки ҳанӯз пешгӯии ба кадом узви бемор часпидани коронавирус ғайриимкон аст.

«Ба тамоми бадан метавонад осеб бирасад. Ва бо ин чӣ бояд кард — ҳанӯз касе намедонад”,- хулоса кардааст ӯ.

Пештар биолог Анча Баранова шарҳ дода буд, ки гум шудани эҳсоси бӯй ҳангоми сироятёбӣ аз коронавирус метавонад безарар набошад, балки  далели вайрон шудани «саддест», ки майнаи сари инсонро аз садамаҳо муҳофизат мекунад ва бозгашти эҳсоси бӯй маънои онро дорад, ки “садд”барқарор шудааст.

                                                                                         АКС аз бойгонӣ

Декабрь 7, 2020 13:14

Хабарҳои дигари ин бахш

Маркази тадқиқоти стратегии Тоҷикистон ва Гурӯҳи муассисаҳои MERI-и Ҳиндустон ҳамкориро тақвият мебахшанд
РӮЗИ ҶАҲОНИИ КОҲИШИ ХАТАРИ ОФАТҲОИ ТАБИӢ. Барои пешгирӣ аз пайомадҳои офатҳои табиӣ шаҳрвандон низ бояд масъулиятшинос бошанд.
Байни Маркази тадқиқоти стратегии Тоҷикистон ва Институти Чин ва Осиёи муосири Академияи илмҳои Русия Ёддошти тафоҳуми ҳамкорӣ ба тасвиб расид
Тавассути «Почтаи Тоҷикистон» беш аз 27 миллион рӯзномаю маҷалла ба мизоҷон расонида шуд
Дар Душанбе Форуми дуюми коршиносии «Осиёи Марказӣ – Русия: рӯзномаи рушди муштарак» ба кори худ оғоз намуд
СИРДАРЁ МУТТАҲИД МЕНАМОЯД. Дар Гулистон Форуми сеюми ҷавонони ҳавзаи дарёи Сир – 2025 баргузор мегардад
ГРАНТИ ПРЕЗИДЕНТӢ. Ба 200 нафар занон — ғолибони лоиҳаҳои гранти президентӣ дар соли 2025 Диплом супорида шуд
Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон бо Вазорати маорифи Русия Ёддошти тафоҳум ба имзо расонд
Ёддошти тафоҳуми ҳамкорӣ байни Ваколатдор оид ба ҳуқуқи инсон дар Ҷумҳурии Тоҷикистон ва Кумитаи миллӣ оид ба ҳуқуқи инсони Давлати Қатар ба имзо расид
Дар Хуҷанд доир ба баланд бардоштани маърифати ҳуқуқии ҷавонон ҳамоиш баргузор гардид
Татяна Москалкова бо мақомоти Ваколатдор оид ба ҳуқуқи инсон дар Ҷумҳурии Тоҷикистон шинос шуд
Байни вазоратҳои тандурустии Тоҷикистон ва Русия Харитаи роҳ барои солҳои 2026-2027 ба имзо расид