Пажӯҳишгари тоҷик Беҳрӯз Табаров ҷоизаи Озмуни умумироссиягии «Умник-2020»-ро ба даст овард
ДУШАНБЕ, 16.12.2020. /АМИТ «Ховар»/. Пажӯҳишгари тоҷик, номзади илмҳои техникӣ ва докторанти Донишгоҳи давлатии шаҳри Комсомолски лаби Амур Беҳрӯз Табаров зимни иштирок дар Озмуни умумироссиягии «Умник-2020» ғолиб омада, ҷоизаи озмунро ба маблағи 500 000 рубли русӣ ба даст овард. Дар ин бора ба хабарнигори АМИТ «Ховар» аз маркази матбуоти Вазорати маориф ва илми Ҷумҳурии Тоҷикистон иттилоъ доданд.
Лоиҳаи Беҳрӯз Табаров «Таҳияи модули реактор-тиристор барои зеристгоҳҳои трансформаторӣ» ном дошта, миёни даҳҳо ҳазор лоиҳаҳои илмию инноватсионӣ аз тамоми Россия яке аз беҳтаринҳо ва сазовори ҷоизаи озмуни мазкур дониста шуд. Ӯ ҳамчунин баъди ба даст овардани ҷоизаи мазкур дар қатори 252 нафар ғолибони ин озмун имкон пайдо кард, ки лоиҳаи илмияшро дар амал татбиқ намояд.
Барнома-озмуни давлатии «Умник» ҳамасола бо ҷалби олимон аз тамоми Россия баргузор мегардад. Ҳадаф аз ин иқдом кумак расонидан дар рушди тиҷорати хурди инноватсионии олимон ва ихтироъкорон, махсусан ҷавонон мебошад. То имрӯз дар он 70 ҳазор нафар ширкат варзида, беш аз 12 ҳазор нафари онҳо ҷоизаи фондро ба даст овардаанд.
Ёдовар мешавем, ки Беҳрӯз Табаров иштирокчии даҳҳо конфронсу форумҳои илмӣ-пажӯҳишӣ буда, соли 2019 риштаи аспирантураи Донишгоҳи давлатии шаҳри Комсомолски лаби Амури Федератсияи Россияро бо баҳои аъло хатм ва рисолаи номзадияшро бомуваффақият ҳимоя намудааст. Ҳамчунин соли равон аз ҷониби собиқ Губернатори минтақаи Хабаровск дар қатори олимони ҷавон чун олими минтақа қадрдонӣ гардидааст.
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
