Шумораи ҳолатҳои сироятёбӣ аз COVID-19 дар ҷаҳон аз 65 млн зиёд шуд

ДУШАНБЕ, 04.12.2020 /АМИТ «Ховар»/. Шумораи ҳолатҳои тасдиқшудаи сироятёбӣ аз коронавирус дар ҷаҳон аз 65 миллион зиёд шудааст, хабар медиҳад АМИТ «Ховар» бо истинод ба маълумоти субҳи 4 декабр интишордодаи Созмони умумиҷаҳонии тандурустӣ (СУТ).

Мутобиқи хабари он, дар ҷаҳон COVID-19 дар вуҷуди 65 048 192 нафар сабт шудааст. Маҷмӯан, аз оғози пандемия беш аз 1,5 млн нафар беморон фавтида ва 41 705 009 тан шифо ёфтаанд.

Иёлоти Муттаҳида аз рӯи миқдори сироятёбӣ дар сафи пеш аст — зиёда аз 14 миллион, Ҳиндустон бо 9,5 миллион ҳолати ошкоршуда дар ҷойи дуюм ва Бразилия дар ҷои сеюм мебошанд.

                                                        АКС:  https://vi-covid19.com/